നോർത്ത് പറവൂർ സെൻ്റ് അലോഷ്യസ് ഹൈസ്കൂളിൻ്റെ 110-ാമത് വാർഷികവും അധ്യാപക രക്ഷാകർത്തൃദിനവും സർവ്വീസിൽ നിന്നും വിരമിക്കുന്ന മിനി ആൻ്റണി,മിനി മാത്യു, ബെൻസി ടി.പോൾ എന്നിവർക്കുള്ള യാത്രയയപ്പും വിവിധ പരിപാടികളോടെ ആഘോഷിച്ചു.
ഹൈബി ഈഡൻ എം.പി ഉദ്ഘാടനം ചെയ്തു. സ്കൂൾ മാനേജർ റവ. ഡോ. ജോസ് പുതിയേടത്ത് അദ്ധ്യക്ഷനായി. നഗരസഭ ചെയർപേഴ്സൺ ബീന ശശിധരൻ മുഖ്യപ്രഭാഷണം നടത്തി. എറണാകുളം അതിരൂപത വിദുഭ്യാസ കോർപ്പറേറ്റ് മാനേജർ ഫാ. തോമസ് നങ്ങേലിമാലിൽ അനുഗ്രഹ പ്രഭാഷണം നടത്തി. വിരമിക്കുന്ന അധ്യാപകരുടെ ഫോട്ടോ അനാഛാദനം ചെയ്തു. ഹെഡ്മാസ്റ്റർ പി. ആർ സുനിൽ സ്വാഗതം ആശംസിച്ചു. സർവ്വീസിൽ നിന്ന് വിരമിക്കുന്നവർക്ക് പി.ടി.എ.,അധ്യാപകർ എന്നിവരുടെ ഉപഹാരങ്ങൾ നൽകി ആദരിച്ചു. നഗരസഭ വൈസ് ചെയർമാൻ എം.ജെ. രാജു, വാർഡ് കൗൺസിലർ എം.കെ ബാനർജി, മാനേജ്മെൻ്റ് ട്രസ്റ്റി ബിനോയ് ആൻ്റു,പി.ടി.എ പ്രസിഡൻ്റ് മുനീറ മുഹമ്മദ് അഷറഫ്, മാതൃസംഘം ചെയർപേഴ്സൺ ജിനി ജോജി, അധ്യാപക പ്രതിനിധി സുമ റാഫേൽ, സ്കൂൾ ലീഡർ എ.എം അനന്യ,സെക്രട്ടറി മിനി ആൻ്റണി എന്നിവർ സംസാരിച്ചു. വിരമിക്കുന്ന അധ്യാപികമാരായ മിനി ആൻ്റണി,മിനി മാത്യു, ബെൻസി ടി.പോൾ എന്നിവർ മറുപടി പ്രസംഗം നടത്തി. സീനിയർ അധ്യാപിക കെ.എ.സിസിലി നന്ദി പറഞ്ഞു. വിവിധ മേഘലകളിൽ മികവ് തെളിയിച്ച വിദ്യാർത്ഥികൾക്ക് അവാർഡുകൾ നൽകി. കലാപരിപാടികളും അരങ്ങേറി.
