കൊല്ലം ഗവണ്മെന്റ് മെഡിക്കൽ കോളേജ് നാഷണൽ സർവീസ് സ്ക്കമിലെ വോളന്റീർസ് ഒക്ടോബർ 18, 19,20 തീയതികളിൽ നടക്കുന്ന ത്രിദിന നേച്ചർ & മെഡിക്കൽ ക്യാമ്പിന്റെ ഭാഗമായി തൃശൂർ ഇൻ മൈൻഡ് ഇൻസ്റ്റിറ്റ്യൂട്ട്, ഇരിഞ്ഞാലക്കുടയിലെ NIPMR കേന്ദ്രം എന്നിവ സന്ദർശിച്ചു. ഡോ ഇക്ബാൽ, ഡോ മനോജ്‌, ഡോ ജയപ്രകാശ്, ശ്രീമതി ജെസ്‌ന എന്നിവർ വിദ്യാർത്ഥികൾക്ക് വിവിധ ക്ലാസുകൾ എടുത്തു. നേച്ചർ ക്യാമ്പിന്റെ ഭാഗമായി വാഴച്ചാൽ വനമേഖലയിൽ ട്രെക്കിങ്, പരിസ്ഥിതി നിരീക്ഷണം എന്നിവ ഫോറെസ്റ്റ് ഉദ്യോഗസ്ഥരുടെ മേൽനോട്ടത്തിൽ നടത്തും. 19 നു പ്രദേശനിവാസികൾക്കായി മെഡിക്കൽ ക്യാമ്പ് പ്രോഗ്രാം ഓഫീസർ ഡോ മനോ രാകേഷിന്റെ നേതൃത്വത്തിൽ വിദ്യാർഥികൾ സംഘടിപ്പിക്കും. പ്രകൃതിയെ അടുത്തറിഞ്ഞു പഠിക്കുക എന്നതാണ് ക്യാമ്പ് കൊണ്ട് ലക്ഷ്യമാക്കുന്നത്.