കാഞ്ഞങ്ങാട് സൗത്ത് ജി വി എച്ച് എസ് സ്കൂളിലെ നാഷണൽ സർവ്വീസ് സ്കിം യൂണിറ്റിൻ്റെ ” അരികെ” എന്ന സപ്ത ദിന ക്യാമ്പിൻ്റെ ഭാഗമായി വിദ്യാർത്ഥികളോടൊപ്പം പ്രഭാത നടത്തത്തിൽ പങ്കെടുത്ത് കാഞ്ഞങ്ങാട് നഗരസഭ ചെയർമാൻ വി വി രമേശനും . രാവിലെ ആറു മണിക്ക് ക്യാമ്പിലെത്തിയ ചെയർമാൻ വിദ്യാർത്ഥികൾക്കൊപ്പം പുഞ്ചാവി കടപ്പുറത്ത് കിലോമീറ്ററുകളോളം നടന്നു.പ്രഭാത നടത്തം എന്നത് ശരീരത്തിനും മനസ്സിനും ഒരുപോലെ ഗുണകരമായ, ലളിതവും സൗജന്യവുമായ ഒരു വ്യായാമമാണെന്നും , ഇത് ഹൃദയാരോഗ്യം മെച്ചപ്പെടുത്താനും, ശരീരഭാരം നിയന്ത്രിക്കാനും, പേശികളെയും എല്ലുകളെയും ശക്തിപ്പെടുത്താനും, മാനസികാവസ്ഥ മെച്ചപ്പെടുത്താനും സഹായിക്കുന്നുവെന്നും, ദിവസവും 30 മിനിറ്റ് വേഗത്തിലുള്ള നടത്തം ഹൃദ്രോഗം, പ്രമേഹം പോലുള്ള രോഗങ്ങൾ വരാനുള്ള സാധ്യത കുറയ്ക്കുന്നുവെന്നും നഗരസഭ ചെയർമാൻ വി വി രമേശൻ പറഞ്ഞു.പ്രിൻസിപ്പാൾ പി എസ് അരുൺ, നഗരസഭ കൗൺസിലറും കാഞ്ഞങ്ങാട് സൗത്ത് സ്കൂളിലെ പി റ്റി എ പ്രസിഡൻ്റുമായ എൻ ഉണ്ണികൃഷ്ണൻ, ക്ലസ്റ്റർ കോർഡിനേറ്റർ പി സമീർ സിദ്ദീഖി , പോഗ്രാം ഓഫീസർ ആർ മഞ്ജു , അധ്യാപികമാരായ സുബിതാശ്വതി, അർച്ചന കെ, ശ്യാമിത പി പി , വോളൻ്റിയർ സെകട്ടറിമാരായ ആര ര്യ എം കെ, അക്ഷയ് കെ തുടങ്ങിയവർ നേതൃത്വം നൽകികാഞ്ഞങ്ങാട് സൗത്ത് സ്കൂളിലെ വിദ്യാർത്ഥികൾക്കും അധ്യാപകർക്കും ഒപ്പം പ്രഭാത നടത്തത്തിനെത്തിയ നഗരസഭ ചെയർമാൻ വി വി രമേശൻ പുഞ്ചാവി കടപ്പുറത്ത് വച്ച് സെൽഫി എടുക്കുന്നു.
വരൂ…. നമുക്ക് നടക്കാം നഗരസഭ ചെയർമാനൊപ്പം
