തിരുവനന്തപുരം:ജില്ലാ തടവുകാരനെ ജയിൽ ഉദ്യോഗസ്ഥർ ക്രൂരമായി മർദ്ദിച്ചു എന്ന് പരാതി. പേരൂർക്കട മാനസികാരോഗ്യ കേന്ദ്രത്തിലെ മുൻ താൽക്കാലിക ജീവനക്കാരൻ ബിജു ഗുരുതരാവസ്ഥയിൽ മെഡിക്കൽ കോളേജ് ആശുപത്രി ഐസിയുവിലാണ് . വെന്റിലേറ്റർ സഹായത്തോടെയാണ് ജീവൻ നിലനിർത്തുന്നത്. സഹപ്രവർത്തകയെ ഉപദ്രവിച്ചെന്ന കേസിലാണ് പേരൂർക്കട പോലീസ് ബിജുവിനെ 12ന് അറസ്റ്റ് ചെയ്ത് റിമാൻഡ് ചെയ്തത്. മാനസിക പ്രശ്നങ്ങൾ ഉള്ളതിനാൽ ചികിത്സ വേണമെന്ന് കോടതി നിർദ്ദേശിക്കുകയുണ്ടായി. 13ന് ജില്ലാ ജയിലിലെ ഓടയിൽ അബോധാവസ്ഥയിൽ കണ്ടുവന്നു പറഞ്ഞാണ് ബിജുവിനെ ജയിൽ അധികൃതർ ആശുപത്രിയിൽ എത്തിച്ചത് എന്ന് പോലീസ് പറയുന്നു. സ്കാനിംഗിൽ ആന്തരാവയങ്ങൾക്ക് മുറിവുണ്ടെന്നതിനെ തുടർന്ന് ശസ്ത്രക്രിയ നടത്തി. അതേസമയം ബിജുവിനെ ആശുപത്രിയിൽ എത്തിച്ച് സ്കാനിങ് നടത്തിയപ്പോഴാണ് പ്രശ്നങ്ങൾ അറിയുന്നതെന്ന് അധികൃതർ പറയുന്നത്.
തിരുവനന്തപുരം ജില്ലാ ജയിലിൽ തടവുകാരനു മർദ്ദനം ,ഗുരുതരാവസ്ഥയിൽ
