യുവാവ് വീട്ടിൽ കൊല്ലപ്പെട്ട നിലയിൽ പെൺ സുഹൃത്തിന്റെ ഭർത്താവ് പിടിയിൽ

.പാലക്കാട്. യുവാവിനെ വീട്ടിൽ കൊല്ലപ്പെട്ട നിലയിൽ കണ്ടെത്തി .കൊഴിഞ്ഞാമ്പാറ കരംപൊറ്റ പരേതനായ മാരി മുത്തുവിന്റെ മകൻ സന്തോഷിനെയാണ് (42 )ഇന്നലെ രാത്രി കൊല്ലപ്പെട്ട നിലയിൽ കണ്ടെത്തിയത്. വീട്ടിൽ ഒറ്റയ്ക്ക് താമസിക്കുകയായിരുന്നു. സന്തോഷിനെ മൂങ്കിൽമട സ്വദേശിയായ യുവാവ് മർദ്ദിച്ചു കൊലപ്പെടുത്തിയെന്നാണ് പോലീസിനെ ലഭിക്കുന്ന വിവരം. അവിവാഹിതനായ സന്തോഷിന് വിവാഹിതയായ യുവതിയുമായി സൗഹൃദം ഉണ്ടായിരുന്നു. ഇന്നലെ രാത്രി യുവതിയാണ് പോലീസ് സ്റ്റേഷനിൽ എത്തി വിവരം അറിയിച്ചത്. ഭർത്താവ് സന്തോഷിനെ മർദ്ദിച്ചതായി പറഞ്ഞു.ചെന്ന് നോക്കിയപ്പോൾ അബോധാവസ്ഥയിൽ കിടക്കുന്നത് കണ്ടെന്നുമാണ് യുവതി പോലീസിനെ അറിയിച്ചത്. പോലീസ് സ്ഥലത്തെത്തി നടത്തിയ പരിശോധനയിലാണ് സന്തോഷിനെ വീടിനകത്ത് മരിച്ച നിലയിൽ കണ്ടെത്തിയത്. തുടർന്ന് ഡോക്ടർ സ്ഥലത്തെത്തി മരണം സ്ഥിരീകരിച്ചു. നെറ്റിയിൽ മർദ്ദനമേറ്റതിന്റെ പാടുണ്ട്. ടിവിയിൽ കണക്ട് ചെയ്യുന്ന കേബിളും മൃതദേഹത്തിന് സമീപത്തായി കണ്ടെത്തി .യുവതിയുടെ ഭർത്താവ് മൂങ്കിൽമട സ്വദേശി ആറുച്ചാമിയെ( 45 )പോലീസ് കസ്റ്റഡിയിൽ എടുത്തു ചോദ്യംചെയ്ത് വരികയാണ്.