തിരുവനന്തപുരം. ഗ്രാമീണ നഗര തൊഴിലുറപ്പ് പദ്ധതി തൊഴിലാളികൾക്ക് സർക്കാരിന്റെ ഓണസമ്മാനം 200 രൂപ വർധിപ്പിച്ചു. ഇത്തവണ 1200 രൂപ വീതം ഓണസമ്മാനം ലഭിക്കുമെന്ന് ധനകാര്യ മന്ത്രി ബാലഗോപാൽ അറിയിച്ചു. കഴിഞ്ഞതവണ ആയിരം രൂപ വീതമാണ് ലഭിച്ചത് . അഞ്ചേകാൽ ലക്ഷം പേർക്ക് ഈ ആനുകൂല്യം ലഭിക്കും. ഗ്രാമീണ തൊഴിലുറപ്പ് പദ്ധതി തൊഴിലാളികൾക്ക് ഓണസമ്മാനം വിതരണത്തിനായി 51.96 കോടി അനുവദിച്ചു .കഴിഞ്ഞ സാമ്പത്തിക വർഷം 100 പ്രവർത്തി ദിനം പൂർത്തിയാക്കിയ 5,19,623 പേർക്കാണ് ആനുകൂല്യം ലഭിക്കുന്നത്.
തൊഴിലുറപ്പ് തൊഴിലാളികൾക്ക് ഓണസമ്മാന തുക കൂട്ടി
