മാള :മാല്ല്യങ്കര സാഗ റൈറ്റേഴ്സ് ഫോറവും ഇളന്തിക്കര ഗുരുസ്മാരക വായനശാലയും സംയുക്തമായി സംഘടിപ്പിച്ച എഴുത്താളും പുസ്തകവും എന്ന പരിപാടിയിൽ ‘തപോമയിയുടെ അച്ഛൻ’എന്ന പുസ്തകത്തെ കുറിച്ച് വായനശാലയിൽ സംവാദം സംഘടിപ്പിച്ചു. പറവൂർ താലൂക്ക് ലൈബ്രറി കൗൺസിൽ എക്സിക്യുട്ടീവ് അംഗം മായ നടേശൻ അദ്ധ്യക്ഷത വഹിച്ചു. എഴുത്തുകാരനും പത്ര പ്രവർത്തകനുമായ എം.എസ്. ബനേഷ് മോഡറേറ്ററായി.പുസ്തകത്തിന്റെ രചയിതാവും ഈ വർഷത്തെ വയലാർ അവാർഡ് ജേതാവുമായ ഇ.സന്തോഷ്കുമാർ എഴുത്തനുഭവങ്ങൾ പങ്ക് വച്ചു. മാല്ല്യങ്കര എസ് എൻ എം കോളേജ്, പ്രിൻസിപ്പാൾ ഡോ. ജിത ടി.എച്ച് ആമുഖ പ്രസംഗം നിർവ്വഹിച്ചു. ഷിബു എ എൻ പുസ്തക വായന നടത്തി.ഇളന്തിക്കര ഗുരുസ്മാരക വായനശാല പ്രസിഡന്റ് എം.ഒ വർക്കി സ്വാഗതവും സെക്രട്ടറി പി.ഒ ജോസ് നന്ദിയും പറഞ്ഞു.
