ഭാര്യയെ കടന്നൽ കൂട്ടം ആക്രമിക്കുന്നത് കണ്ട ഭർത്താവ് കുഴഞ്ഞുവീണ് മരിച്ചു

കാസർകോട്: ഭാര്യയെ കടന്നൽ കൂട്ടം ആക്രമിക്കുന്നത് കണ്ട ഭർത്താവ് കുഴഞ്ഞുവീണ് മരിച്ചു. കാഞ്ഞങ്ങാട് സ്വദേശിയായ നാരായണൻ നായരാണ് (75) മരിച്ചത്.ഇന്നലെയാണ് ദാരുണമായ സംഭവം ഉണ്ടായത്.വീട്ടുപറമ്പിൽ നിന്ന് തെങ്ങോല എടുക്കാൻ പോയപ്പോൾ നാരായണൻ നായരുടെ ഭാര്യ രാജാമണിയെ കടന്നലുകൾ കുത്തുകയായിരുന്നു.നിലവിളി കേട്ട് നാരായണൻ നായർ എത്തുമ്പോൾ ഭാര്യ കടന്നൽകുത്തേറ്റ് പിടയുന്നതാണ് കണ്ടത്. ഇതുകണ്ട നാരായണൻ നായർക്ക് ശാരീരിക അസ്വാസ്ഥ്യം അനുഭവപ്പെടുകയും കുഴഞ്ഞുവീഴുകയുമായിരുന്നു.