പീരുമേട് : ഡ്രൈഡേയിൽ അനധികൃത മദ്യ വില്പന നടത്തി വന്നയാളെ വണ്ടിപ്പെരിയാർ എക്സൈസ് സംഘം പിടികൂടി. ചുരക്കളം ആശുപത്രിക്ക് സമീപം വ്യാപാരസ്ഥാപനം നടത്തുന്ന 71കാരൻ കണ്ണൻ എന്നയാളെയാണ് പിടികൂടിയത്.ഓണക്കാലത്തിനു മുന്നോടിയായി എക്സൈസ് ഡിപ്പാർട്ട്മെന്റ് നടത്തുന്ന സ്പെഷ്യൽ ഡ്രൈവിന്റെ ഭാഗമായാണ് അനധികൃത മദ്യ വില്പന ഇതോടൊപ്പം ലഹരി പദാർത്ഥങ്ങളുടെ ഉപയോഗം തടയുക എന്ന ലക്ഷ്യത്തോട് കൂടി പരിശോധനകൾ ശക്തമാക്കി വരുന്നത്. എക്സൈസ് സംഘത്തിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ കണ്ണൻ്റെ കടയിൽ നടത്തിയ പരിശോധനയിൽ 13 ലിറ്റർ ഇന്ത്യൻ നിർമ്മിത വിദേശമദ്യം പിടികൂടുകയുംമദ്യ വില്പന നടത്തിയ 650 രൂപയും കണ്ടെടുത്തു.തുടർന്ന് ഇയാളെ അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്യ്തു. വണ്ടിപ്പെരിയാർ എക്സൈസ് ഇൻസ്പെക്ടർ ശ്യാം കെ .എസ്, അസിസ്റ്റന്റ് എക്സൈസ് ഇൻസ്പെക്ടർ ഡി.സതീഷ് കുമാർ , പ്രിവന്റ്റ്റീവ് ഓഫീസർ അരുൺ. പി. കൃഷ്ണൻ സിവിൽ എക്സൈസ് ഓഫീസർമാരായ ഗോകുൽ കൃഷ്ണൻ,അസീം, വനിത സിവിൽ എക്സൈസ് ഓഫീസർ അർഷാന എന്നിവരുടെ സംഘമാണ് പ്രതിയെ പിടികൂടിയത്.
