“നിലവിലെ കരിക്കുലത്തിനൊപ്പം ഗവേഷണത്തിന് കൂടുതൽ ഊന്നൽ നൽകണം”: എൻ.എം.സി ചെയർമാൻ

കേരള ആരോഗ്യ ശാസ്ത്ര സർവകലാശാലയിൽ (KUHS) വിദ്യാർത്ഥികളുടെ മികവിനെ ആദരിക്കുന്നതിനായി “KUHS Merit Day & Principal’s Conclave” 2026 മാർച്ച് 7-ന് സർവകലാശാല ആസ്ഥാനത്ത് സെനറ്റ് ഹാളിൽ സംഘടിപ്പിച്ചു.പരിപാടിയിൽ നാഷണൽ മെഡിക്കൽ കമ്മീഷൻ ചെയർമാൻ പ്രൊഫ.(ഡോ.) അഭിജാത് ചന്ദ്രകാന്ത് ഷേത്ത് മുഖ്യാതിഥിയായി പങ്കെടുത്തു. നിലവിലെ കരിക്കുലത്തിനൊപ്പം ഗവേഷണ പ്രവർത്തനങ്ങൾക്കും കൂടുതൽ പ്രാധാന്യം നൽകേണ്ടത് അത്യാവശ്യമാണെന്ന് അദ്ദേഹം അഭിപ്രായപ്പെട്ടു. വിദ്യാർത്ഥികൾ പഠനത്തിനൊപ്പം ഗവേഷണ മേഖലയിലും സജീവമായി പങ്കെടുക്കണം എന്നും അദ്ദേഹം പറഞ്ഞു.സർവകലാശാല വൈസ് ചാൻസലർ പ്രൊഫ.(ഡോ.) മോഹനൻ കുന്നുമ്മൽ അധ്യക്ഷത വഹിച്ച പരിപാടിയിൽ നടത്തിയ അധ്യക്ഷ പ്രസംഗത്തിൽ, വിദ്യാർത്ഥികളുടെ അക്കാദമിക് മികവിനെയും ഗവേഷണോന്മുഖമായ പഠനാന്തരീക്ഷത്തെയും പ്രോത്സാഹിപ്പിക്കുന്നതിനുള്ള സർവകലാശാലയുടെ പ്രതിബദ്ധത അദ്ദേഹം വിശദീകരിച്ചു.പ്രോ-വൈസ് ചാൻസലർ പ്രൊഫ.(ഡോ.) സി.പി. വിജയൻ സ്വാഗതം പറഞ്ഞു. പ്രഥമ വർഷം / പ്രഥമ സെമസ്റ്റർ / പ്രഥമ പ്രൊഫഷണൽ ഡിഗ്രി റെഗുലർ പരീക്ഷകളിൽ മികച്ച പ്രകടനം കാഴ്ചവെച്ച വിദ്യാർത്ഥികൾക്ക് KUHS Merit Scholarship വിതരണം ചെയ്തു.തുടർന്ന് നടന്ന Principal’s Conclave ൽ സർവകലാശാലയുടെ അക്കാദമിക് പ്രവർത്തനങ്ങൾ, പരീക്ഷാ സംവിധാനം, ധനകാര്യ കാര്യങ്ങൾ, നിയമപരമായ വിഷയങ്ങൾ, ഗവേഷണ പ്രവർത്തനങ്ങൾ, വിദ്യാർത്ഥി ക്ഷേമം തുടങ്ങിയ വിഷയങ്ങളെക്കുറിച്ച് വിശദമായ ചർച്ചകൾ നടന്നു.സർവകലാശാല രജിസ്ട്രാർ പ്രൊഫ.(ഡോ.) ഗോപകുമാർ എസ്. നന്ദി രേഖപ്പെടുത്തി.പരിപാടിയിൽ പരീക്ഷാ കൺട്രോളർ പ്രൊഫ.(ഡോ.) എസ്. അനിൽകുമാർ, ഫിനാൻസ് ഓഫീസർ ശ്രീ. സുധീർ എം.എസ്., യൂണിവേഴ്സിറ്റി ലീഗൽ അഡ്വൈസർ അഡ്വ. ശ്രീകുമാർ, ഡീൻ (റിസർച്ച്) പ്രൊഫ.(ഡോ.) ഷാജി കെ.എസ്., ഡീൻ (അക്കാദമിക്) ഡോ. ബിനോജ് ആർ., ഡീൻ (സ്റ്റുഡന്റ് അഫയേഴ്സ്) ഡോ. ആശിഷ് ആർ. എന്നിവർ പങ്കെടുത്തു.