. ദോഹ: അഹമ്മദാബാദിൽ നിന്നും അമേരിക്കയിലെ അറ്റ്ലാന്റയിലേക്കുള്ള യാത്രക്കിടെ ഹമദ് അന്താരാഷ്ട്ര വിമാനത്താവളത്തിൽ വെച്ചാണ് യുവതി കുഞ്ഞിന് ജന്മം നൽകിയത്. പ്രസവിച്ച യുവതിയും കുഞ്ഞും തിരിച്ച് സുരക്ഷിതമായി ഇന്ത്യയിലെത്തിയതായി ഖത്തറിലെ ഇന്ത്യൻ എംബസി അറിയിച്ചു. ഇരുവരെയും ഇന്ത്യയിലേക്ക് സുരക്ഷിതമായി എത്തിക്കാൻ സഹകരിച്ച വിവിധ കൂട്ടായ്മകളെ ഇന്ത്യൻ എംബസി പ്രത്യേക നന്ദി അറിയിച്ചു.അഹമ്മദാബാദ് മുതൽ അറ്റ്‌ലാന്റ വരെയുള്ള ട്രാൻസിറ്റ് യാത്രയ്ക്കിടെ ദോഹ വിമാനത്താവളത്തിൽ പ്രസവിച്ച യുവതിയേയും കുഞ്ഞിനെയും സുരക്ഷിതമായി ഇന്ത്യയിലേക്ക് എത്തിച്ചെന്നും അപൂർവവും നിർണായകവുമായ ഇത്തരം സാഹചര്യത്തിൽ, കൃത്യമായ ഏകോപന പ്രവർത്തനങ്ങൾ ആവശ്യമാണെന്നും പുനർജനി ഖത്തർ സോഷ്യൽ മീഡിയയിൽ കുറിച്ചു.
ദോഹ ഹമദ് വിമാനത്താവളത്തിൽ ഇന്ത്യക്കാരിക്ക് സുഖപ്രസവം
