ദുബായ്: ഐസിസി ചാംപ്യന്‍സ് ട്രോഫിയില്‍ ഇന്ത്യയുടെ വിജയം ആഘോഷിച്ച് സീനിയര്‍ താരങ്ങളായ വിരാട് കോലിയും രോഹിത് ശര്‍മയും. ഈ ചിത്രങ്ങളും വീഡിയോയുമാണ് സോഷ്യല്‍ മീഡിയയില്‍ ഇപ്പോള്‍ വൈറലാവുന്നത്. ദുബായ്, ഇന്റര്‍നാഷണല്‍ ക്രിക്കറ്റ് സ്റ്റേഡിയത്തില്‍ 252 റണ്‍സ് വിജയലക്ഷ്യം പിന്തുടര്‍ന്ന ഇന്ത്യ 49 ഓവറില്‍ ആറ് വിക്കറ്റ് നഷ്ടത്തില്‍ ലക്ഷ്യം മറികടന്നു. ക്യാപ്റ്റന്‍ ഇന്നിംഗ്‌സ് പുറത്തെടുത്ത രോഹിത് ശര്‍മയാണ് (76) ഇന്ത്യയുടെ ടോപ് സ്‌കോറര്‍.രവീന്ദ്ര ജഡേജയാണ് വിജയറണ്‍ നേടുന്നത്. വിജയത്തിന് പിന്നാലെ രോഹിത്തും കോലിയും ഗ്രൗണ്ടിൽ എത്തി വിജയം വലിയ രീതിയില്‍ ആഘോഷിച്ചു.സ്റ്റംപുകള്‍ ഊരിയെടുത്താണ് ഇരുവരും വിജയം ആഘോഷിച്ചത്. ഇരുവരുടേയും നാലാം ഐസിസി കിരീടമാണിത്. ഇരുവരുടേയും ആഘോഷ ചിത്രങ്ങളും വീഡിയോകളും കാണാം.
കിരീടനേട്ടത്തില്‍ മതിമറന്ന് രോഹിത്തും കോലിയും! സന്തോഷത്തിൽ ആരാധകർ
