കൂടിയാട്ടത്തിന്റെ ചരിത്രത്തിൽ ആദ്യമായി ‘മത്തവിലാസം’ സ്ഥാപന അടക്കം സമ്പൂർണ്ണമായി രംഗത്ത് അവതരിപ്പിക്കുന്നു.രണ്ട് നൂറ്റാണ്ടിന് ശേഷo ഭാസന്റെ അടവ്യങ്കവും അരങ്ങേറും. മൂഴിക്കുളം നേപഥ്യയുടെ കൂത്തമ്പലത്തിൽ 21 ന്ആ രംഭിക്കുന്ന   16 മത് കൂടിയാട്ട മഹോത്സാവത്തിലാണ് ഈ അപൂർവ്വ അവതരണങ്ങൾ. ഡോക്ടർ സുധാ ഗോപാലകൃഷ്ണന്റെ അധ്യക്ഷതയിൽ ചേരുന്ന യോഗത്തിൽ കലാമണ്ഡലം മുൻ വൈസ് ചാൻസലർ ഡോക്ടർ  കെ. ജി. പൗലോസ് മഹോത്സവം ഉദ്ഘാടനം ചെയ്യും.  പ്രശസ്ത ഇൻഡോളജിസ്റ് പ്രൊഫസർ ഡേവിഡ് ഷൂൾമാൻ മുഖ്യാതിഥി ആവും.   ഗ്രോണിംഗൻ യൂണിവേഴ്‌സിറ്റി ആധ്യാപിക എലേന മൂച്ചറലി ചടങ്ങിന് ആശംസകൾ നേരും. തുടർന്ന് ഡോ. പി ഗീത യുടെ അമ്മക്കല്ല് എന്ന നോവലിനെ ആധാരമാക്കി ഡോ. ഇന്ദു ജി. ചിട്ടപ്പെട്ടുത്തിയ ഗാന്ധാരി  നങ്യാർകൂത്ത് അരങ്ങേറും. പിന്നീടുള്ള ദിവസങ്ങളിൽ മഹേന്ദ്രവിക്രമവർമ്മൻ 7 നൂറ്റാണ്ടിൽ രചിച്ച മത്തവിലാസം പ്രഹസനവും ഭാസന്റെ പ്രതിമ നാടകത്തിലെ നാ ലാമങ്കമായ അടവ്യങ്കവും അരങ്ങേറും. . കപാലിയും ബുദ്ധ ഭിക്ഷുവും മലയാളത്തിൽ സംസാരിക്കുന്നു എന്നുള്ളത് മത്തവിലാസം അവതരണത്തിന്റെ പ്രത്യേകതയാണ്. മതങ്ങളുടെ നിരർത്ഥ കതയെ ഈ പ്രഹസനത്തിൽ ശക്തമായി കളിയാക്കുന്നുണ്ട്.  27മുതൽ അടവ്യങ്കം ആരംഭിക്കും. രാമായാണത്തിലെ പാദുകപട്ടാഭിഷേകമാണ് ഇതിലെ ഇതിവൃത്തം. രണ്ട് കൂടിയാട്ടങ്ങളും ആട്ടപ്രകാരം എഴുതി ചിട്ടപ്പെടുത്തിയത് മാർഗി മധു ചാക്യാരാണ്. 29 ന് മഹോത്സവം സമാപിക്കും. എന്നും വൈകീട്ട് 6.30 നാണ് കൂടിയാട്ടം ആരംഭിക്കുക. കൂടിയാട്ടമഹോത്സവത്തിൽ സംബന്ധിക്കാൻ ഇന്ത്യ യ്ക്ക് അകത്തുനിന്നും പുറത്ത് നിന്നും നിരവധി പണ്ഡിതൻമാർ നേപഥ്യയിൽ എത്തി ചേർന്നിട്ടുണ്ട്. ഹീബ്രു സർവ്വകലാശാലയുടെയും കേന്ദ്ര സംസ്കൃത സർവ്വ കലാശാലയുടെയും സഹകരണത്തോട് കൂടിയാണ് കൂടിയാട്ട മഹോത്സവം അരങ്ങേറു ന്നത്