ഡല്‍ഹി: തിങ്കളാഴ്ച വൈകുന്നേരം ചെങ്കോട്ട മെട്രോ സ്റ്റേഷന് സമീപം ഓടിക്കൊണ്ടിരിക്കുന്ന കാറിനുള്ളില്‍ ഉണ്ടായ ശക്തമായ സ്‌ഫോടനത്തില്‍ 11 പേര്‍ കൊല്ലപ്പെടുകയും 29 പേര്‍ക്ക് പരിക്കേല്‍ക്കുകയും ചെയ്തു. നിരവധി വാഹനങ്ങള്‍ കത്തിനശിച്ചു.നിയമവിരുദ്ധ പ്രവര്‍ത്തനങ്ങള്‍ (തടയല്‍) നിയമവും സ്‌ഫോടകവസ്തു നിയമവും പ്രകാരം ഡല്‍ഹി പോലീസ് എഫ്‌ഐആര്‍ രജിസ്റ്റര്‍ ചെയ്തിട്ടുണ്ട്. ഡല്‍ഹി പോലീസ് പല സ്ഥലങ്ങളിലും റെയ്ഡുകള്‍ നടത്തുന്നുണ്ട്. ദേശീയ തലസ്ഥാനം അതീവ ജാഗ്രതയിൽ ആണ്, വിമാനത്താവളം, റെയില്‍വേ സ്റ്റേഷനുകള്‍, ബസ് ടെര്‍മിനലുകള്‍ എന്നിവിടങ്ങളില്‍ കര്‍ശന ജാഗ്രത പാലിക്കുന്നു. ആഭ്യന്തരമന്ത്രി അമിത് ഷാ ഇന്ന് സുരക്ഷാ ഏജന്‍സികളുമായി ഉന്നതതല യോഗം ചേരും.
ചെങ്കോട്ട സ്‌ഫോടനം; അമിത് ഷാ ഇന്ന് ഉന്നതതല യോഗം ചേരും, അന്വേഷണം എൻഐഎ ഏറ്റെടുക്കും
