ദോഹ: ദോഹ എബ്റ്റിസാം ട്രേഡിങ് ആൻഡ് കോൺട്രാക്ടിങ് കമ്പനി മാനേജറും പത്തനംതിട്ട തിരുവല്ല സ്വദേശിയുമായ ഫിലിപ്സ് പി. ജോൺ (65) ഹമദ് ആശുപത്രിയിൽ ചികിത്സയിലിരിക്കെ മരണപ്പെട്ടു. 36 വർഷത്തിലധികമായി ഖത്തറിൽ ജോലി ചെയ്യുകയായിരുന്നു. തിരുവല്ല കാവുംഭാഗം, പൂഴിക്കാലയിൽ കുടുംബാഗമാണ്. ഫ്രണ്ട്സ് ഓഫ് തിരുവല്ല, സംസ്‌കൃതി ഖത്തർ സംഘടനകളിലെ അംഗമായിരുന്നു. ഫ്രണ്ട്സ് ഓഫ് തിരുവല്ലാ (ഫോട്ടാ) ഫിലിപ്സിന്റെ വേർപാടിൽ അനുശോചനം രേഖപ്പെടുത്തി.ഹമദ് ആശുപത്രിയിൽ സ്റ്റാഫ് നഴ്സായ ലിസി ഫിലിപ്പാണ് ഭാര്യ.മക്കൾഃ അപ്പു, അമ്മു (ഖത്തർ), അച്ചു (യു.കെ). ദോഹ ഹമദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിലേക്ക് കൊണ്ടുപോകും. സംസ്കാരം തിരുവല്ല കാവുംഭാഗം എബനേസർ മാർത്തോമ പള്ളിയിൽ നടക്കും.
പത്തനംതിട്ട തിരുവല്ല സ്വദേശി ഖത്തറിൽ നിര്യാതനായി
