ആൺ സുഹൃത്തിന് ഒപ്പം ഒളിച്ചോടിയ യുവതിയെ മർദ്ദിച്ച അടൂർ സ്വദേശിയായ ഭർത്താവിനെ പോലീസ് അറസ്റ്റ് ചെയ്തു. പ്രണയിച്ചു വിവാഹം കഴിച്ചവരാണ് യുവതിയും ഭർത്താവും. ഇതിന് സഹായിച്ച യുവാവിന് ഒപ്പമാണ് അഞ്ചു വർഷത്തിനുശേഷം യുവതി കഴിഞ്ഞദിവസം ഒളിച്ചോടിയത്. അടൂർ പോലീസ് സ്റ്റേഷനിൽ ഭർത്താവിൻറെ അമ്മ യുവതിയെ കാണാനില്ലെന്ന് പരാതി നൽകിയിരുന്നു. ഭർത്താവ് വിദേശത്തായിരുന്നു. പരാതിയുടെ അടിസ്ഥാനത്തിൽ പോലീസ് നടത്തിയ അന്വേഷണത്തിൽ യുവതിയെയും ആൺ സുഹൃത്തിനെയും കണ്ടു കിട്ടിയപ്പോൾ ഇന്നലെ ഇവരുടെ മൊഴി രേഖപ്പെടുത്തിയ ശേഷം കോടതിയിൽ ഹാജരാക്കാൻ കൊണ്ടുപോകുന്ന സമയത്ത് വിവരമറിഞ്ഞ് വിദേശത്തുനിന്ന് എത്തിയ ഭർത്താവ് യുവതിയെ മർദ്ദിക്കുകയായിരുന്നു. യുവതിയുടെ തലയ്ക്ക് പരിക്കേറ്റു. അപ്പോൾ തന്നെ പോലീസ് ഭർത്താവിനെ കസ്റ്റഡിയിലെടക്കുകയായിരുന്നു.
