ജോധ്പൂരിൽ വിവാഹ വീട്ടിൽ ഗ്യാസ് സിലിണ്ടർ പൊട്ടിത്തെറിച്ച് 11 പേർക്ക് പരിക്കേറ്റു

ജോധ്പൂരിൽ ഹർദാനി ഗ്രാമത്തിലെ കർഷകനായ വീരം റാമിന്റെ വീട്ടിൽ ആണ് ഗ്യാസ് സിലിണ്ടർ പൊട്ടിത്തെറിച്ച് അപകടം ഉണ്ടായത്. 11 പേർക്ക് പരിക്കേൽക്കുകയും രണ്ടുപേരുടെ നില ഗുരുതരവും ആണ് .ഈ മാസം 15,16, തീയതികളിൽ മകൻ മഹേന്ദ്രയുടെയും മകൾ ഗോഗിയുടേയും വിവാഹം നടക്കാൻ ഇരിക്കുകയായിരുന്നു. വിവാഹ ചടങ്ങിനുള്ള ഒരുക്കങ്ങൾക്കിടെ പാചക വാതക ഗ്യാസ് സിലിണ്ടറുകൾ പൊട്ടിത്തെറിക്കുകയായിരുന്നു. ആദ്യ സ്ഫോടനത്തിൽ സിലിണ്ടർ പൊട്ടിത്തെറിച്ചതിനെ തുടർന്ന് വലിയ ശബ്ദവും പുകയും ഉണ്ടാവുകയും പരിക്കേറ്റ നാലു പേരെ ആശുപത്രിയിൽ കൊണ്ടുപോയതിന് പിന്നാലെ രണ്ടാമത്തെ സിലിണ്ടറും പൊട്ടിത്തെറിച്ചു. സിലിണ്ടറിന് സമീപം വെൽഡിംഗ് ജോലികൾ നടക്കുന്നതിനിടയാണ് സ്ഫോടനം ഉണ്ടായതെന്നാണ് വിവരം.