Category: Breaking

ആലപ്പുഴയിൽ പേ വിഷബാധയേറ്റ് മരിച്ച ഒൻപതു വയസുകാരൻ്റെ സംസ്ക്കാരം ഇന്ന് ഉച്ചകഴിഞ്ഞ് വീട്ടുവളപ്പിൽ നടന്നു. പ്രദേശത്ത് രൂക്ഷമായ തെരുവ്നായ ശല്യത്തെക്കുറിച്ച് പലതവണ പരാതി പറഞ്ഞിട്ടും യാതൊരു നടപടിയും ഉണ്ടായിട്ടില്ലെന്ന് നാട്ടുകാർക്ക് പറഞ്ഞു. ചാരുംമൂട് സ്വദേശിയായ സാവൻ ബി.കൃഷ്ണനെ കഴിഞ്ഞ വ്യാഴാഴ്ച്ചയാണ് പേ വിഷബാധയുടെ ലക്ഷണങ്ങളോടെ തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചത്. ഗുരുതരാവസ്ഥയിൽ ചികിൽസയിലിരിക്കേ ഇന്നലെ വൈകുന്നേരത്തോടെ മരിച്ചു. രണ്ടുമാസം മുൻപ് വീടിന് സമീപം സൈക്കിൾ ചവിട്ടുമ്പോഴാണ് കുട്ടിയെ തെരുവുനായ ആക്രമിച്ചത് തെരുവുനായ ആക്രമിച്ച കാര്യം കുട്ടി വീട്ടിൽ […]

തിരുവനന്തപുരം വാഴോട്ടുകോണത്ത് ഗ്യാസ് സിലിണ്ടർ പൊട്ടിത്തെറിച്ച് അപകടം. തീപിടിത്തത്തിൽ ഗൃഹനാഥൻ ചെമ്പൂക്കോണം ലക്ഷ്മി നിവാസിൽ ഭാസ്കരപിള്ളയ്ക്ക് പൊള്ളലേറ്റു. അപകടത്തിൽ വീടിന്റെ അടുക്കള ഭാഗം പൂർണമായും തകർന്നു. ഉഗ്ര ശബ്ദത്തോടെയുള്ള പൊട്ടിത്തെറിയിൽ ഫ്രിഡ്ജും ഗ്രൈണ്ടറും സ്റ്റവ് അടക്കം അടുക്കള പൂർണമായി കത്തി നശിച്ചു. അപകടസമയം ഭാസ്കരപിള്ള മാത്രമാണ് വീട്ടിലുണ്ടായിരുന്നത്. മുപ്പത് ശതമാനത്തിലേറെ പൊള്ളൽ ഏറ്റു. ഉച്ചയ്ക്ക് 11.45 ഓടെയാണ് സ്ഫോടന സമാനമായ രീതിയിൽ ഗ്യാസ് സിലിണ്ടർ പൊട്ടിതെറിച്ച് അപകടമുണ്ടായത്. പൊട്ടിത്തെറിയുടെ ശബ്ദം കേട്ടാണ് സമീവപാവാസികൾ പലരും ഓടിയെത്തിയത് വീട്ടിൽ […]

തിരുവനന്തപുരം: സംസ്ഥാനത്ത് സ്വർണവിലയിൽ കുതിപ്പ് തുടരുന്നു. ഒരു പവൻ സ്വർണത്തിന് ഇന്ന് 640 രൂപയാണ് വർദ്ധിച്ചത്. ഇന്നലെ 280 രൂപയുടെ വർധനവാണ് ഉണ്ടായത്. ഒരു പവൻ സ്വർണത്തിന്റെ ഇന്നത്തെ വിപണി വില 64,480 രൂപയാണ്.കഴിഞ്ഞ ഒരാഴ്ചകൊണ്ട് 2840 രൂപയാണ് സ്വർണത്തിന് വർദ്ധിച്ചത്. ഇന്ന് അന്താരാഷ്ട്ര സ്വർണ്ണവില 2900 ഡോളർ കടന്നു. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ വ്യാപാര നയങ്ങൾ ആഗോള വ്യാപാര യുദ്ധത്തിലേക്ക് വഴിവെക്കുമെന്ന് ആശങ്ക ഉയർന്നതിനെ തുടർന്നാണ് സ്വർണവില കുത്തനെ ഉയർന്നിരിക്കുന്നത്.

മലപ്പുറം : മലപ്പുറം ചങ്ങരംകുളം ഉദിനുപറമ്പില്‍ സംഘര്‍ഷം. സംഘർഷത്തിൽ കര്‍ഷക കോണ്‍ഗ്രസ് മണ്ഡലം പ്രസിഡണ്ട് നടുവിലവളപ്പില്‍ സുബൈറിന് വെട്ടേറ്റു. സംഘര്‍ഷം തടയാനെത്തിയ റാഫി,ലബീബ് എന്നിവർക്കും പരിക്കേറ്റിട്ടുണ്ട്. സംഭവത്തിന് പിന്നിൽ ലഹരി സംഘം ആണെന്നാണ് പൊലീസിന്റെ സംശയം.മൂന്ന് പേരെ ചങ്ങരംകുളം പൊലീസ് കസ്റ്റഡിയിൽ എടുത്തു.