പാലക്കാട്‌ : പാലക്കാട്‌ എംഎല്‍എ രാഹുൽ മാങ്കൂട്ടത്തിൽ നാളെ മണ്ഡലത്തിലെത്തുമെന്ന് സൂചന. ആരോപണങ്ങൾക്ക് പിന്നാലെ അടൂരിലെ വീട്ടിൽ കഴിഞ്ഞിരുന്ന MLA ഒരു മാസത്തെ ഇടവേളയ്ക്കു ശേഷമാണ് മണ്ഡലത്തിലത്തിലെത്തുന്നത്. കടുത്ത പ്രതിഷേധമുണ്ടാകുമെന്ന് ബിജെപിയും ഡിവൈഎഫ്ഐയും രാഹുലിനെ സംരക്ഷണം ഒരുക്കുമെന്ന് കോൺഗ്രസിലെ ഒരു വിഭാഗവും നിലപാടറിയിച്ചിട്ടുണ്ട്.രാഹുൽ മാങ്കൂട്ടത്തിലിനെതിരെ ആദ്യ ആരോപണം ഉയർന്നത് കഴിഞ്ഞ മാസം 20 നാണ്. അന്ന് മുതൽ എംഎല്‍എ മണ്ഡലത്തിലില്ല. CPM ഉം BJP യും ഒന്നിന് പിറകെ ഒന്നായി പ്രതിഷേധിച്ചപ്പോഴും രാഹുൽ അടൂരിൽ തുടർന്നു. സഭയിലെത്തി മടങ്ങിയ രാഹുൽ ഇനി മണ്ഡലത്തിൽ സജീവമാകാനാണ് ശ്രമിക്കുന്നത്. നാളെ പാലക്കാട്ടെത്തുമെന്നാണ് സൂചന. കഴിഞ്ഞ ദിവസം രാഹുൽ ശബരിമലയിലെത്തിയിരുന്നു. രണ്ടു ദിവസം മണ്ഡലത്തിൽ തങ്ങുമെന്ന് വിവരമുണ്ട്. സ്വകാര്യ പരിപാടികളിൽ പങ്കെടുക്കും. KPCC അറിയിച്ചാലെ രാഹുലിന്റെ കാര്യത്തിൽ തീരുമാനമെടുക്കൂ എന്നാണ് DCC നേതൃത്വം അറിയിച്ചത്. ഇതുവരെ ഒരു ഔദ്യോഗിക വിവരം ലഭിച്ചിട്ടില്ല.
രാഹുൽ മങ്കൂട്ടത്തിൽ നാളെ പാലക്കാട്‌ എത്തുമെന്ന് സൂചന
