അക്കരപ്പാടം പാലം നാടിന് സമര്‍പ്പിച്ചു

വൈക്കം: ഉദയനാപുരം പഞ്ചായത്തില്‍ മൂവാറ്റുപുഴയാറിന് കുറുകെ നിര്‍മിച്ച അക്കരപ്പാടം പാലത്തിന്റെ ഉദ്ഘാടനത്തോടനുബന്ധിച്ച് ഫ്രാന്‍സിസ് ജോര്‍ജ് എംപിയും സി.കെ. ആശ എംഎല്‍എയും ചേര്‍ന്ന് നാടമുറിച്ച് പാലം ഔദ്യോഗികമായി തുറന്നുകൊടുക്കുന്നുവൈക്കം: ഉദയനാപുരം പഞ്ചായത്തില്‍ മൂവാറ്റുപുഴയാറിന് കുറുകെ നിര്‍മിച്ച അക്കരപ്പാടം പാലം തുറന്നു. മന്ത്രി അഡ്വ.പി.എ. മുഹമ്മദ് റിയാസ് പാലത്തിന്റെ ഉദ്ഘാടനം ഓണ്‍ലൈനായി നിര്‍വഹിച്ചു. സംസ്ഥാന സര്‍ക്കാര്‍ കിഫ്ബി ധനസഹായത്തോടെ 16.89 കോടി രൂപ ചെലവഴിച്ചു 150 മീറ്റര്‍ നീളത്തിലും 11 മീറ്റര്‍ വീതിയിലുമാണ് പാലം നിര്‍മിച്ചിരിക്കുന്നത്. 30 മീറ്റര്‍ നീളമുള്ള അഞ്ച് സ്പാനോടുകൂടി നിര്‍മിച്ച പാലത്തിന്റെ ഇരുകരകളിലുമായി 45 മീറ്റര്‍ നീളത്തിലുളള അപ്രോച്ച് റോഡും നിര്‍മിച്ചിട്ടുണ്ട്. അപ്രോച്ച് റോഡിന്റെ നിര്‍മാണത്തിനായി 29.77 സെന്റ് സ്ഥലമാണ് ഏറ്റെടുത്തത്.ചടങ്ങില്‍ സി.കെ. ആശ എംഎല്‍എ അധ്യക്ഷതവഹിച്ചു. അഡ്വ. കെ. ഫ്രാന്‍സിസ് ജോര്‍ജ് എംപി, വൈക്കം ബ്ലോക്ക് പഞ്ചായത്ത് പ്രസിഡന്റ് എസ്. ബിജു, ജില്ലാ പഞ്ചായത്ത് അംഗം പി.എസ്.പുഷ്പമണി, ഉദയനാപുരം പഞ്ചായത്ത് പ്രസിഡന്റ് പി.കെ. ആനന്ദവല്