വെള്ളിത്തിരയെ ഇളക്കിമറിച്ച നായികാഹിറ്റ് ‘ലോക’ ഉള്‍പ്പെടെയുള്ള ചിത്രങ്ങള്‍ ഒടിടിയില്‍. തിയറ്ററില്‍ പ്രദര്‍ശനം തുടരുന്ന ‘ലോക’യാണ് ഒടിടിയിലെ പ്രധാന ആകര്‍ഷണം. ജൂനിയര്‍ എന്‍ടിആര്‍-ഋത്വിക് റോഷന്‍ കോമ്പോയുടെ വാര്‍ 2-വും സ്ട്രീമിങ്ങിനെത്തു. മഹാഭാരതത്തെ അടിസ്ഥാനമാക്കി നിര്‍മിച്ച ആനിമേഷന്‍ ചിത്രം ‘കുരുഷേത്ര’യും കാണാം.ലോക ചാപ്റ്റര്‍ 1: ചന്ദ്രനെറ്റ്ഫ്ളിക്സില്‍ കാണാം.ഒക്ടോബര് 23 മുതല്‍ സ്ട്രീമിങ് ഈ വര്‍ഷത്തെ ഏറ്റവും വലിയ ബോക്സ് ഓഫീസ് സര്‍പ്രൈസുകളില്‍ ഒന്നാണ് ലോക ചാപ്റ്റര്‍ 1: ചന്ദ്ര. കല്യാണി പ്രിയദര്‍ശനാണ് ചിത്രത്തിലെ കേന്ദ്രകഥാപാത്രം. നസ്ലിനും ചിത്രത്തില്‍ പ്രധാനകഥാപാത്രമാണ്. യങ് സൂപ്പര്‍ സ്റ്റാര്‍ ദുല്‍ഖര്‍ സല്‍മാന്‍ ആണ് ചിത്രത്തിന്റെ നിര്‍മാണം. ഡൊമിനിക് അരുണ്‍ ആണ് ചിത്രത്തിന്റെ രചനയും സംവിധാനവും. ‘ലോക’യുടെ രണ്ടാം ഭാഗം കഴിഞ്ഞ ദിവസം അണിയറക്കാര്‍ പ്രഖ്യാപിച്ചിരുന്നു. ടൊവിനോ തോമസും ദുല്‍ഖറും ഉള്‍പ്പെടുന്ന ടീസറും പുറത്തുവിട്ടിരുന്നു. രണ്ടാംഭാഗത്തില്‍ ടൊവിനോ ആണ് നായകന്‍. ചിത്രത്തിന്റെ മറ്റു വിവരങ്ങളൊന്നും അണിയറക്കാര്‍ പുറത്തുവിട്ടിട്ടില്ല.മദ്രാസിആമസോണ്‍ പ്രൈമില്‍ കാണാംസ്ട്രീമിങ് ആരംഭിച്ചുശിവകാര്‍ത്തികേയന്‍ നായകനായ മദ്രാസി സെപ്റ്റംബറില്‍ തിയറ്ററുകളില്‍ റിലീസ് ചെയ്തു. തമിഴ്നാട്ടില്‍ ഹിറ്റ് ആയിരുന്നെങ്കിലും ഹിന്ദി പതിപ്പ് ശ്രദ്ധിക്കപ്പെടാതെ പോയി. ആയുധക്കടത്തിന്റെ ലോകത്ത് നടക്കുന്ന സംഭവങ്ങളാണ് ചിത്രത്തിന്റെ ഇതിവൃത്തം.ദി ഗെയിംനെറ്റ്ഫ്ളിക്സില്‍ കാണാംസ്ട്രീമിങ് ആരംഭിച്ചുസൈബര്‍ പശ്ചാത്തലത്തില്‍ ഒരുങ്ങുന്ന തമിഴ് ഒടിടി ത്രില്ലര്‍ ചിത്രം ‘ദി ഗെയിം’ പുതുമയുള്ള സൈക്കോളജക്കല്‍ ത്രില്ലറാണ്. ശ്രദ്ധ ശ്രീനാഥ് ആണ് പ്രധാനകഥാപാത്രത്തെ അവതരിപ്പിക്കുന്നത്. സന്തോഷ് പ്രതാപ്, ചാന്ദ്നി എന്നിവരും പ്രധാനവേഷത്തിലെത്തുന്നു. ഒരു വനിതാ ഗെയിം ഡവലപ്പറുടെ ജീവിതത്തില്‍ ആകസ്മികമായുണ്ടാകുന്ന ചില സംഭവങ്ങളാണ് ചിത്രത്തിന്റെ ഉള്ളടക്കം. തനിക്കെതിരായുണ്ടാകുന്ന സംഘടിതമായ സൈബര്‍ ആക്രമണത്തിന് ഉത്തരവാദികളായവരെ കണ്ടെത്തുകയെന്ന ലക്ഷ്യത്തോടെ അന്വേഷണം ആരംഭിക്കുന്ന വനിതാ ഗെയിം ഡെവലപ്പറുടെ യാത്ര സസ്പെന്‍സ് നിറഞ്ഞ രംഗങ്ങളിലൂടെ കടന്നുപോകുന്നു.വാര്‍ 2നെറ്റ്ഫ്ളിക്സില് കാണാംസ്ട്രീമിങ് ഒക്ടോബര് 9 മുതല്‍ ഹൃത്വിക് റോഷന്‍-എന്‍ടിആര്‍ ജൂനിയര്‍ എന്നിവര്‍ അഭിനയിച്ച വാര്‍ 2-വും ഒക്ടോബറില്‍ ഒടിടിയില്‍ സ്ട്രീമിങ് ആരംഭിക്കുന്നു. അനില്‍ കപുര്‍, കിയാറ അഡ്വാനി, അശുതോഷ് ഘോഷ് തുടങ്ങിയവരും പ്രധാനകഥാപാത്രങ്ങളെ അവതരിപ്പിക്കുന്നു. ശ്രീധര്‍ രാഘവന്റെ തിരക്കഥയില്‍ അയാന്‍ മുഖര്‍ജിയാണ് ചിത്രം സംവിധാനം ചെയ്തത്. ആദിത്യ ചോപ്രയാണ് കഥയും നിര്‍മാണവും. കുരുക്ഷേത്രനെറ്റ്ഫ്ളിക്സില്‍ കാണാംസ്ട്രീമിങ് ഒക്ടോബര് 10 മുതല്‍മഹാഭാരതത്തെ അടിസ്ഥാനമാക്കിയുള്ള ആനിമേഷന്‍ ചിത്രമാണ് കുരുക്ഷേത്ര. 18 പ്രധാന യോദ്ധാക്കളുടെ ജീവിതയാഥാര്‍ഥ്യങ്ങളാണ് ചിത്രം പറയുന്നത്. അവരുടെ ആന്തരിക പ്രതിസന്ധികളിലൂടെയും വ്യക്തിപരമായ വൈരാഗ്യങ്ങളിലൂടെയും വിനാശകരമായ അനുഭവങ്ങളിലൂടെയും പ്രേക്ഷകരെ ചിത്രം കൂട്ടിക്കൊണ്ടുപോകുന്നു.
‘ലോക’ ഒക്ടോബര് 23ന് ഒടിടിയില്‍; നെറ്റ്ഫ്ളിക്സില് കാണാം
