കുവൈത്ത്: ടൂറിസം മേഖലയെ ശക്തിപ്പെടുത്തുന്നതിനായി പുതിയ ഇലക്ട്രോണിക് വിസാ സംവിധാനവുമായി കുവൈത്ത് .ഗവൺമെന്റ് കമ്മ്യൂണിക്കേഷൻ സെന്ററിൽ നടത്തിയ അവതരണത്തിൽ ജനറൽ ഡിപ്പാർട്ട്മെന്റ് ഓഫ് റെസിഡൻസി അഫയേഴ്സിലെ ഇലക്ട്രോണിക് സർവീസസ് ഡയറക്ടർ കേണൽ അബ്ദുൽഅസീസ് അൽ-കന്ദാരി പുതിയ വിസാ സിസ്റ്റത്തിന്റെ വിശദാംശങ്ങൾ പങ്കുവച്ചു.ടൂറിസ്റ്റ് വിസയുടെ നാല് വിഭാഗങ്ങൾ:
1. ആദ്യ വിഭാഗം: 52 അംഗീകൃത രാജ്യങ്ങൾ — സുരക്ഷാ തടസ്സങ്ങളൊന്നുമില്ലാതെ, പ്രവേശന തീയതി മുതൽ ആറുമാസത്തിലേറെ കാലാവധി ശേഷിക്കുന്ന പാസ്‌പോർട്ട് നിർബന്ധം.
2. രണ്ടാം വിഭാഗം: ഗൾഫ് സഹകരണ കൗൺസിൽ (GCC) രാജ്യങ്ങളിലെ സാമ്പത്തിക ശേഷിയുള്ള തൊഴിൽ മേഖലയിൽ പ്രവർത്തിക്കുന്നവർ, കൂടാതെ അമേരിക്ക, യുകെ, യൂറോപ്യൻ യൂണിയൻ (ഷെൻഗൻ) രാജ്യങ്ങളിലെ താമസക്കാരും — സാധുവായ പാസ്‌പോർട്ടും താമസാനുമതിയും ആറുമാസത്തിലേറെ കാലാവധി ശേഷിക്കണം.
3. മൂന്നാം വിഭാഗം (ഇനിയും ആരംഭിച്ചിട്ടില്ല): ലോകത്തിലെ മറ്റു രാജ്യങ്ങളിൽ നിന്നുള്ള സാമ്പത്തിക ശേഷി തെളിയിക്കുന്ന അപേക്ഷകർ — പുതിയ ബാങ്ക് സ്റ്റേറ്റ്‌മെന്റ്, ഹോട്ടൽ ബുക്കിംഗ്, ക്രെഡിറ്റ് കാർഡിൽ നിന്ന് സുരക്ഷാ നിക്ഷേപം എന്നിവ നിർബന്ധം.
4. നാലാം വിഭാഗം: രാജ്യാന്തര, പ്രാദേശിക പരിപാടികളിലേക്കുള്ള വിസ — പരിപാടിയുടെ ആവശ്യാനുസരണം വ്യവസ്ഥകൾ.
