കോഴിക്കോട്: തേങ്ങ പറിച്ചതിനെ ചൊല്ലിയുള്ള തർക്കം കൈയാങ്കളിയായതോടെ ഒരു കുടുംബത്തിലെ നാല് പേർക്ക് വെട്ടേറ്റു.കൂടരഞ്ഞിയിലാണ് സംഭവം ഉണ്ടായിരിക്കുന്നത്. കൽപിനി സ്വദേശി ജോണിയേയും കുടുംബത്തിനെയുമാണ് ജോണിയുടെ സഹോദരന്റെ മകൻ ജോമിഷ് വെട്ടി പരിക്കേൽപ്പിച്ചിട്ടുള്ളത്. ജോണിയുടെ സഹോദരിയുടെ പറമ്പുമായി ബന്ധപ്പെട്ട് നേരത്തെ ഇവർക്കിടയിൽ തർക്കമുണ്ട്. ഈ പറമ്പിൽ നിന്നു ജോണി തേങ്ങ പറിച്ചതിനെ ചൊല്ലിയുണ്ടായ വാക്കു തർക്കമാണ് ആക്രമണത്തിൽ കലാശിചിട്ടുള്ളത്.പറിച്ചുവച്ച തേങ്ങ ഒരുവട്ടം ജോണി കൊണ്ടുപോയിരുന്നു. ബാക്കിയുള്ളത് എടുക്കാൻ എത്തിയപ്പോഴാണ് ജോമിഷ് എത്തി വാക്കു തർക്കമുണ്ടായത്. ജോണിയെ ആക്രമിക്കുന്നതു തടയാൻ ശ്രമികുന്നതിനിടയിലാണ് മറ്റുള്ളവർക്കു വെട്ടേറ്റത്.
തേങ്ങ പറിച്ചതിനെ ചൊല്ലിയുള്ള തർക്കം; ഒരു കുടുംബത്തിലെ നാല് പേർക്ക് വെട്ടേറ്റു
