കോതമംഗലം: കിഫ്ബി ധനസഹായത്തോടെ പൈങ്ങോട്ടൂർ പഞ്ചായത്തിൽ നടപ്പിലാക്കുന്ന സമഗ്ര ശുദ്ധജല വിതരണ പദ്ധതിയുടെ നിർമ്മാണ ഉദ്ഘാടനം സെപ്റ്റംബർ രണ്ടിന് ഉച്ചക്ക് 12 ന് ജലവിഭവ വകുപ്പ് മന്ത്രി റോഷി അഗസ്റ്റിൻ നിർവഹിക്കും. പദ്ധതിക്കായി 28.82 കോടി രൂപയാണ് കിഫ്ബി വഴി അനുവദിച്ചിട്ടുള്ളത്. 2016- 2017 ലെ സംസ്ഥാന ബജറ്റിൽ 23 കോടി രൂപ അനുവദിച്ച് പ്രഖ്യാപിച്ച പദ്ധതി വിശദ പദ്ധതി രേഖ തയ്യാറാക്കിയപ്പോൾ ചിലവ് 28.82 കോടി രൂപയായി ഉയരുകയും 2019 ൽ കിഫ്ബിയിൽ ഭരണാനുമതി ലഭിക്കുകയും ചെയ്തിരിന്നു. എന്നാൽ സ്ഥലമേറ്റെടുക്കൽ, വനഭൂമി വിട്ടുകിട്ടൽ തുടങ്ങിയ നൂലാമാലകളിൽ പെട്ട് പദ്ധതി ഇഴയുകയായിരുന്നു. ഒടുവിൽ രണ്ടുവട്ടം കരാർ ക്ഷണിക്കുകയും ചെയ്തു. എന്നാൽ കരാർ ഏറ്റെടുക്കാൻ കരാറുകാർ ആരും മുന്നോട്ട് വരാതിരുന്നതും പദ്ധതി വൈകാൻ കാരണമായി. എന്നാൽ ഇപ്പോൾ സാങ്കേതിക പ്രശ്നങ്ങൾ എല്ലാം പരിഹരിച്ച് പുതിയ കരാർ നൽകി നിർമ്മാണം ആരംഭിക്കുന്നതോടെ പൈങ്ങോട്ടൂർ പഞ്ചായത്തിലെ ജനങ്ങളുടെ പതിറ്റാണ്ടുകളായ കുടിവെള്ള പ്രശ്നത്തിനുള്ള ശാശ്വത പരിഹാരമാവുകയാണ്. കാളിയാർ പുഴയുടെ തീരത്ത് പനങ്കര കാവുംകഴത്തിൽ 6 മീറ്റർ വ്യാസമുള്ള കിണറും പമ്പുഹൗസും 50 എച്ച്.പി മോട്ടോറും സ്ഥാപിച്ച് പൊതകുളത്തെ പതിരിപ്പാറയിലെ 50 സെന്റ് സ്ഥലത്ത് സ്ഥാപിക്കുന്ന 40 ലക്ഷം ലിറ്റർ സംഭരണശേഷിയുള്ള ശുചീകരണ പ്ലാന്റിലേയ്ക്ക് വെള്ളം പമ്പു ചെയ്ത് ശുചീകരിച്ച ശേഷം പഞ്ചായത്തിൻ്റെ വിവിധ ഭാഗങ്ങളിൽ നിർമ്മിക്കുന്ന 3.5 ലക്ഷം ,1.2 ലക്ഷം , 4 ലക്ഷം , 4.2 ലക്ഷം ലിറ്റർ വീതം സംഭരണശേഷിയുള്ള 4 ഉന്നതതല സംഭരണികളിൽ വെള്ളം എത്തിച്ച് വിതരണം ചെയ്യുന്ന രീതിയിലാണ് പദ്ധതി വിഭാവനം ചെയ്തതിട്ടുള്ളത്. കൂടാതെ 15 കിലോമീറ്റർ നീളത്തിൽ പമ്പിംഗ് ലൈനിനുള്ള പൈപ്പുകളും 47 കിലോമീറ്റർ നീളത്തിൽ വിതരണ പൈപ്പ് ലൈനുകളും സ്ഥാപിക്കും.കടവൂർ ഗവ. വൊക്കേഷണൽ ഹയർ സെക്കൻഡറി സ്കൂൾ ഓഡിറ്റോറിയത്തിൽ നടക്കുന്ന ഉദ്ഘാടന ചടങ്ങിൽ മാത്യു കുഴൽനാടൻ എം എൽ എ അധ്യക്ഷനാവും, ഡീൻ കുര്യാക്കോസ് എം പി മുഖ്യാതിഥിയാവും .
Related Posts

ആറ് മീറ്റർ താഴ്ചയിൽവെള്ളത്തിനടിയിലുയർത്തിയ ത്രിവർണ്ണ പതാകയുമായി പി.എൻ. റമീസ് റിക്കാർഡ് നേട്ടത്തിൽ
കൊച്ചി:വെള്ളത്തിനടിയിൽ ത്രിവർണ്ണ പതാകയുയർത്തി പി.എൻ. റമീസ് യു.ആർ എഫ് നാഷനൽ റിക്കാർഡ് നേടി.തിരുവാണിയൂരിലെ ശാസ്ത-മുഗൾ തടാകത്തിലെ ശാന്തമായ ജലം സ്വാതന്ത്ര്യദിനത്തിൽ ഒരു വ്യത്യസ്ത പ്രകടനത്തിന് വേദിയായി. അക്വാലിയോ…

തനിക്കെതിരെ ഉയർന്നുവന്ന ആരോപണങ്ങൾക്ക് പിന്നിൽ ഗൂഢാലോചനയെന്ന് രാഹുൽ മാങ്കൂട്ടത്തിൽ
തിരുവനന്തപുരം: ഇപ്പോൾ ഉയർന്നുവന്നിരിക്കുന്ന ആരോപണങ്ങൾക്ക് പിന്നിൽ ഗൂഢാലോചനയാണെന്ന് പാലക്കാട് എംഎൽഎ രാഹുൽ മാങ്കൂട്ടത്തിൽ. കോൺഗ്രസ് നേതൃത്വത്തെയാണ് രാഹുൽ ഇക്കാര്യം അറിയിച്ചിരിക്കുന്നത്. അതേസമയം ആരോപണങ്ങൾക്ക് പിന്നിൽ എന്ത് തന്നെയാണെങ്കിലും…

യുത്ത് ഫ്രണ്ട് (ജേക്കബ് )ജില്ലാ നേതൃത്വയോഗം
തിരുവനന്തപുരം :യൂത്ത് ഫ്രണ്ട് ജേക്കബ് തിരുവനന്തപുരം ജില്ലാ നേതൃത്വ യോഗം ജില്ലാ പ്രസിഡന്റ് ജെസ് പ്രസാദിന്റെ അധ്യക്ഷതയിൽ കുടിയ യോഗം പാർട്ടി സംസ്ഥാന ജനറൽ സെക്രട്ടറി കരുമം…