.കൊച്ചി:കേരളത്തിലെ കുഡുംബി സമുദായത്തിൻ്റെ ഉയർച്ചയ്ക്ക് തൊഴിൽ സംവരണം അനിവാര്യമാണെന്ന് എറണാകുളം കാരണക്കോടം അനുഗ്രഹ ചാരിറ്റബിൾ ട്രസ്റ്റ് ഓഡിറ്റോറിയത്തിൽ (കെ.എം. രാമചന്ദ്രൻ നഗർ) നടന്ന കേരള കുഡുംബി ഫെഡറേഷൻ്റെ 52-ാം സംസ്ഥാന പ്രതിനിധി സമ്മേളനം ഉദ്ഘാ ടനം നിർവ്വഹിച്ചുകൊണ്ട് ഉമാ തോമസ് എം.എൽ.എ. പറഞ്ഞു. 16-ാം നൂറ്റാണ്ടിൽ മതപരിവർത്തന ഭീഷണിയെതുടർന്ന് വെറും കയ്യോടെ ഗോവയിൽ നിന്നും പലായനം ചെയ്യേണ്ടിവന്ന കുഡുംബികളെ ആനുകൂല്യങ്ങളിൽ നിന്ന് അകറ്റിനിർത്തുന്നത് അനീതിയാണ്. കേരള കുഡുംബി ഫെഡറേഷൻ സംസ്ഥാന പ്രസിഡന്റ് ഓലയിൽ ജി ബാബു അദ്ധ്യക്ഷത വഹിച്ചു.വിവിധ ആവശ്യങ്ങൾ ഉന്നയിച്ച് 1981 ൽ കാസർഗോഡ് മുതൽ തിരുവനന്ത പുരം വരെ കേരള കുഡുംബി ഫെഡറേഷൻ നടത്തിയ കാൽനട ജാഥയിൽ കാരണക്കോടത്തുനിന്ന് പങ്കെടുത്ത ടി.വി. വേണുവിനെ ആദരിച്ചു. കൗൺസിലർ ജോർജ് നാനാട്ട്, കേരള കുഡുംബി മഹിളാ ഫെഡറേഷൻ സംസ്ഥാന പ്രസിഡൻ്റ് മാലതി വേണുഗോപാൽ, കേരള കുഡുംബി യൂത്ത് ഫെഡറേഷൻ സംസ്ഥാന പ്രസിഡൻ്റ് ടി.എസ്. അനിൽ എന്നിവർ ആശംസാപ്രസംഗം നടത്തി. സംസ്ഥാന വൈസ് പ്രസിഡൻ്റ് പി.എൽ. ഉണ്ണികൃഷ്‌ണൻ, ജനറൽ സെക്രട്ടറി എസ്. സുധീർ, സെക്രട്ടറി എൻ. വിജയൻ, ടി.എം. ഉണ്ണികൃഷ്‌ണൻ, എസ്. രാമൻ, കമ്മിറ്റിയംഗം ആശാ വിനോദ്,വി.ഡി. രവി, എ.ജി. വിനോദ്, കെ.ജി. രാമചന്ദ്രൻ തുടങ്ങിയവർ പ്രസംഗിച്ചു.
കുഡുംബി സമുദായത്തിന് തൊഴിൽ സംവരണം അനിവാര്യം
