കാസര്കോട്: കാസര്കോട് കുമ്പളയിൽ സ്കൂട്ടര് നിയന്ത്രണം വിട്ട് മതിലിലിടിച്ച് പത്താം ക്ലാസ് വിദ്യാര്ത്ഥിനിയ്ക്ക് ദാരുണാന്ത്യം. ബംബ്രാണ ചൂരിത്തടുക്കയിലെ റസാഖ് – റംസീന ദമ്പതികളുടെ മകള് റിസ്വാന ആണ് മരിച്ചത്. 15 വയസായിരുന്നു. ഇന്ന് രാവിലെയായിരുന്നു അപകടം സംഭവിച്ചത്. റിസ്വാനയും കൂട്ടുകാരിയും ചേര്ന്ന് സ്കൂട്ടറില് ട്യൂഷന് പോകുന്നതിനിടെയാണ് വാഹനം നിയന്ത്രണം വിട്ട് മതിലിലിടിച്ചത് എന്നാണ് ലഭിക്കുന്ന വിവരം. കുട്ടിയെ അപകടം നടന്ന ഉടന് തന്നെ ആശുപത്രിയില് എത്തിച്ചെങ്കില് ജീവന് രക്ഷിക്കാൻ സാധിച്ചില്ല.
സ്കൂട്ടര് നിയന്ത്രണം വിട്ട് മതിലിലിടിച്ച് പത്താം ക്ലാസ് വിദ്യാര്ത്ഥിനിക്ക് ദാരുണാന്ത്യം
