ബഷീറും മാമുക്കോയയും പിന്നെ ഇമ്മിണി ബല്യ ചെക്കും

മലയാളത്തിന്‍റെ ക‍ഥയുടെ സുൽത്താൻ വൈക്കം മുഹമ്മദ് ബഷീറുമായി അ​ടു​ത്ത സൗ​ഹൃ​ദം പുലർത്തിയിരുന്നു മാമുക്കോയ. ബ​ഷീ​റി​ന്‍റെ ബേപ്പൂരിലെ വീട്ടിൽ ചെന്നാൽ നാ​ലു കാ​ര്യ​ങ്ങ​ളാ​ണ് മാമുക്കോയയ്ക്കു ലഭിക്കു. ​അ​നു​ഗ്ര​ഹം, ക​ഥ, ചാ​യ, വാ​യ്പ എന്നിവ്. കടം കൊടുക്കുന്നതിലുമുണ്ട് ബഷീർ സ്റ്റൈൽ. സുൽത്താനു രണ്ടുതരം ഒ​പ്പു​ക​ളു​ണ്ട്. മ​ല​യാ​ള​ത്തി​ലും ഇം​ഗ്ലീ​ഷി​ലും ഒ​പ്പി​ടും. ചെക്കിൽ മ​ല​യാ​ള​ത്തി​ൽ ഒ​പ്പി​ട്ടാ​ൽ കടം തി​രി​ച്ചു​കൊ​ടു​ക്ക​ണ്ട. ഇം​ഗ്ലീ​ഷി​ൽ ഒ​പ്പി​ട്ടാ​ൽ തി​രി​ച്ചു​കൊ​ടു​ക്ക​ണം.ന​ട​നാ​കു​ന്ന​തി​നു മു​ൻ​പ് മാ​മു​ക്കോ​യ പലപ്പോഴും സാ​ന്പ​ത്തി​ക​ പ്രയാസത്തിലായിരുന്നു. ത​ന്നെ കാ​ണാ​ൻ വ​രു​ന്പോ​ൾ ബ​ഷീ​ർ കോ​യ​യോ​ടു ചോ​ദി​ക്കും:””നി​ന്‍റെ കൈ​യി​ൽ തി​രി​ച്ചു​ത​രാ​ന് കാ​യു​ണ്ടോ കാ​ക്കേ.” മാ​മു​ക്കോ​യ മു​ക്കി​യും മൂ​ളി​യും പ​ല്ലു​കാ​ട്ടി ചി​രി​ച്ചു​നി​ൽ​ക്കും. കുശലമൊക്ക കഴിഞ്ഞതിനുശേഷം മ​ല​യാ​ള​ത്തി​ൽ ഒ​പ്പി​ട്ട ചെക്ക് ​കൊ​ടു​ക്കു​ന്നു. ബ​ഷീ​റി​ൽ​നി​ന്ന് കടം കി​ട്ടാ​ൻ മാ​ത്ര​മ​ല്ല, ചെ​ക്കി​ൽ മ​ല​യാ​ള​ത്തി​ൽ ഒ​പ്പി​ടാ​നും മാ​മു​ക്കോ​യ ദൈവത്തോടു പ്രാ​ർ​ഥി​ക്കും. സി​നി​മാ​ന​ട​ൻ ആ​യ​ശേ​ഷം ഒ​രി​ക്ക​ൽ കാ​ശി​ന് അ​ത്യാ​വ​ശ്യം വ​ന്ന​പ്പോ​ൾ ബ​ഷീ​റി​ന്‍റെ പ​ക്ക​ൽ വാ​യ്പ​യ്ക്കു ചെ​ന്നു. അ​ന്ന് അ​ദ്ദേ​ഹം ഇം​ഗ്ലീ​ഷി​ൽ ഒ​പ്പി​ട്ട ചെ​ക്ക് മാ​മു​ക്കോ​യ​യ്ക്ക് ന​ൽ​കി. ആദ്യമായാണ് മാമുക്കോയയ്ക്ക ഇംഗ്ലീഷിൽഒപ്പിട്ട ചെക്ക് ബഷീർ നൽകുന്നത്. ഒരുകാലത്ത് ബ​ഷീ​ർ സാമാന്യം ന​ന്നാ​യി മ​ദ്യ​പി​ച്ചി​രു​ന്നു. ഒ​രു സു​പ്ര​ഭാ​ത​ത്തി​ൽ ആൾ ക​ള്ളു​കു​ടി നി​ർ​ത്തി. ബഷീറിന്‍റെ മദ്യവർജനം കൂട്ടുകാർക്കു ബുദ്ധിമുട്ടുണ്ടാക്കി. തന്നെയുമല്ല, മൂ​പ്പ​രു​ടെ വീ​ടി​ന്‍റെ മു​ന്നി​ലു​ള്ള ക​ള്ളു​ഷാ​പ്പ് അടച്ചുപൂ​ട്ടി​ക്കുകയും ചെയ്തു. ബഷീറിന്‍റെ വീടിനു മുന്നിലെ കള്ളുഷാപ്പ് പ്രമുഖരുടെ സാന്നിധ്യംകൊണ്ട് പേരുകേട്ടതായിരുന്നു. സു​രാ​സു, ജോ​ൺ ഏ​ബ്ര​ഹാം തു​ട​ങ്ങി​യ ഉഗ്രപ്രതാപികളായ കലാകാരന്മാർ ആ ​ഷാ​പ്പി​ൽ​നി​ന്ന് രണ്ടു കുപ്പി അടച്ചശേഷമാണ് ബ​ഷീ​റി​നു മുന്നിൽ ഹാജരാകുക. ബ​ഷീ​ർ മ​ദ്യ​പാ​നം നി​ർ​ത്തി​യ​ശേ​ഷം കു​റേ​ക്കാ​ലം സു​രാ​സു​വും ജോ​ണു​മൊ​ക്കെ വ​ള​രെ അ​ടു​ത്തൊ​രു ബ​ന്ധു മ​രി​ച്ച​തു​പോ​ലു​ള്ള ദുഃ​ഖ​ത്തോ​ടെ​യാ​ണ് ന​ട​ന്നി​രു​ന്ന​തെന്നു പലരും പറഞ്ഞിട്ടുണ്ട്. ഒ​രു ദി​വ​സം ബ​ഷീ​ർ മാ​മു​ക്കോ​യ​യോ​ടു മൊഴിഞ്ഞു: “”എ​ടാ കാ​ക്കേ സു​രാ​സു ഈ ​വ​ഴി​ക്കെ​ങ്ങാ​നും വ​രു​ന്ന​തു ക​ണ്ടാ​ൽ ഞാ​നി​വി​ടെ ഇ​ല്ലെന്നു പ​റയണം. ബ​ഷീ​ർ പ​റ​ഞ്ഞ​തു​പോ​ലെ മാ​മു​ക്കോ​യ സു​രാ​സു​വി​നെ വഴിയിൽവച്ചു ക​ണ്ട​പ്പോ​ൾ പ​റ​ഞ്ഞു. “”നി​ങ്ങ​ളെ ക​ണ്ടാ​ൽ ബ​ഷീ​ർ​ക്ക ബേ​പ്പൂ​രി​ലി​ല്ല എ​ന്നു പ​റ‍​യാ​ൻ പ​റ​ഞ്ഞി​ട്ടു​ണ്ട്.”ശു​ദ്ധ​ഗ​തി​കൊ​ണ്ട് മാമുക്കോയയുടെ നാവിൽനിന്ന് അറിയാതെ വീണതാണ്. സു​രാ​സു​വി​ന് വ​ലി​യ മനോവിഷമം ഉണ്ടാക്കിയ സംഭവമായി മാറി. അ​ന്നു​ത​ന്നെ അടിച്ചുപിന്പിരിയായി ബേ​പ്പൂ​രി​ലേ​ക്കു പോ​യി. അവിടെയെത്തിയപ്പോഴേക്കും സുരാസുവിന്‍റെ ബോധം പോയിരുന്നു. പിന്നെ ബഷീർ പായയും തലയിണയുമൊ‌ക്കെ കൊടുത്ത് വീട്ടിൽത്തന്നെ കിടത്തി. ഉറങ്ങിയെഴുന്നേറ്റപ്പോൾ സുരാസുവിന്‍റെ പിണക്കവും മാറി.