ഛത്തീസ്ഗഡിൽ മതവിദ്വേഷത്തിൻ്റെ ഇരകളായി തുറങ്കിലടക്കപ്പെട്ട കന്യാസ്ത്രീകൾക്ക് ഐക്യദാർഢ്യവുമായി കെടാമംഗലം പപ്പുക്കുട്ടി മെമ്മോറിയൽ ലൈബ്രറിയുടെ ആഭിമുഖ്യത്തിൽ 2025 ജൂലായ് 30 രാവിലെ പ്രതിഷേധസംഗമം സംഘടിപ്പിച്ചു.ലൈബ്രറി പ്രസിഡൻ്റ് പി.പി സുകുമാരൻ അദ്ധ്യക്ഷത വഹിച്ച യോഗം പറവൂർ നഗരസഭ പ്രതിപക്ഷ നേതാവ് ടി.വി നിഥിൻ ഉദ്ഘാടനം ചെയ്തു.പറവൂർ മുൻ എ ഇ ഒ യും ലൈബ്രറി കമ്മിറ്റി അംഗവുമായ കെ.എൻ ലത,ശാസ്ത്രസാഹിത്യ പരിഷത്ത് പറവൂർ മേഖല കമ്മിറ്റിയംഗം എ.കെ ജോഷി,ലൈബ്രറിയുടെ യുവകൈരളി വിഭാഗം സെക്രട്ടറി കെ ജി നവീൻ,കലാശാല സെക്രട്ടറി പി കെ ഗിരീഷ് തുടങ്ങിയവർ സംസാരിച്ചു.
