ഒരു മാസം മുൻപ് ടാർ ചെയ്ത റോഡ് പൊട്ടിപ്പൊളിഞ്ഞു. വലിയ കുഴികൾ പ്രത്യക്ഷപ്പെട്ടു, അതോടെ ഈ റോഡിൽ അപകടങ്ങളും നിത്യ സംഭവമാണ് . കാൽനട യാത്രക്കാർക്കും ഇരുചക്ര വാഹനങ്ങൾക്കു പോലും സഞ്ചരിക്കാൻ പറ്റാത്ത സാഹചര്യം. കഴിഞ്ഞ ദിവസം കുഴിൽ വീണ് ബൈക്ക് മറിഞ്ഞ് രണ്ട് യുവതി യുവാക്കൾ പരിക്കു പറ്റി ആശുപത്രിയിലായി ,ഈ മാസം നടക്കുന്ന 5-ാമത്തെ അപകടമാണിത് നിരവധി കുട്ടികളും കാൽനട യാത്രക്കാരും ദിവസവും ഉപയോഗിക്കുന്ന വഴിയാണിത്. തട്ടാംങ്കണ്ടി ക്ഷേത്രത്തിലേക്ക് പോകാനുള്ള ഏക വഴിയാണ് ഈ റോഡ്. ധർണ്ണ ബി.ജെ.പി സംസ്ഥാന കൗൺസിൽ അംഗം ബി.കെ പ്രേമൻ ഉദ്ഘാടനം ചെയ്തു. കെ.സുധീഷ് ബാബു, പി.എം. രമേശ്, ജൈന.കെ തുടങ്ങിയവർ സംസാരിച്ചു. ഗിരീഷ് ആലിയോട്ട് ,പി.പി. ശിവദാസൻ,വി.സി. നരേന്ദ്രൻ, ടി.കെ. ശൈലേഷ്, എം.സി. ശ്രീജിത്ത് തുടങ്ങിയവർ നേതൃത്വം നൽകി.
തട്ടാംങ്കണ്ടി റോഡിൻ്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ടു കൊണ്ട് ബി.ജെ.പി ധർണ്ണ————
