വൈക്കത്ത് ചെമ്പൈ സംഗീത ഉത്സവത്തിന് തിരിതെളിഞ്ഞു

വൈക്കം :സംഗീത പ്രീയനായ വൈക്കത്തപ്പന്റെ തിരുവരങ്ങിൽ ചെമ്പൈ സ്വാമിയുടെ സ്മരണയിൽ നടന്ന സംഗീത വിരുന്നു ആസ്വാകരുടെ മനം കവർന്നു. വൈക്കം മഹാദേവ ക്ഷേത്രത്തിൽ നടന്നചെമ്പൈ സംഗീതോൽസവത്തിന്റെ സുവർണ്ണ ജൂബിലി ആഘോഷത്തിന് ഗുരുവായൂർ ദേവസ്വം ഭരണസമിതിയംഗം മനോജ് ബി നായർ നിറദീപം തെളിയിച്ചു.ചടങ്ങിൽ മുൻ എം.എൽ എ .യും സംഘാടക സമിതി ചെയർമാനുമായ കെ.അജിത്, നഗരസഭാ ചെയർപേഴ്സൺ പ്രീതാ രാജേഷ്, അഡ്മിനിസ്ട്രേറ്റിവ് ഓഫിസർ ജെ.എസ്. വിഷ്ണു, ഗുരുവായൂർ ഭരണ സമിതിയംഗം കെ.പി.വിശ്വനാഥൻ, ഗുരുവായൂർ ദേവസ്വം മാനേജർ പി.ജി.സുരേഷ് കുമാർ പി. ആർ.ഒ. വിമൽ ജി.നാഥ്, സംഘാടക സമിതി വൈസ് ചെയർമാൻമാരായ  വി.ആർ.സി. നായർ ,ഗായകൻ വി. ദേവാനന്ദ്,സെക്രട്ടറി .പി.പി.സന്തോഷ്, ഭാരവാഹികളായ ആർ.സുരേഷ് ബാബു, അഡ്വക്കറ്റ് എ.ശ്രീകല, അഡ്വക്കേറ്റ് രശ്മി നന്ദനൻ ,ഉദയ നാപുരം ക്ഷേത്രം മാതൃ സമിതി പ്രസിഡണ്ട് രത്നമ്മ കർത്ത ,തിരുവാതിര സംഗീതസേവാ സമിതി പ്രസിഡണ്ട് ഗിരിഷ് വർമ്മ, തുടങ്ങിയവർ പങ്കെടുത്തു. തുടർന്ന് നടന്ന സംഗീതാരാധനയിൽ കേരളത്തിനകത്തും പുറത്തുമുള്ള നിരവധി കലാകാരൻമാർ പങ്കെടുത്തു. ചെമ്പൈ സംഗീതോൽസവത്തിന്റെ സംസ്ഥാന തല ഉൽഘാടനം പാലക്കാട് ചെമ്പൈ ഗ്രാമത്തിൽ ദേവസ്വം മന്ത്രി വി.എൻ. വാസവൻ ആഗസ്റ്റ് 17 ന് നിർവഹിച്ചിരുന്നു. സംസ്ഥാനത്തെ ആറു കേന്ദ്രങ്ങളിലായി നടത്തുന്ന സുവർണ്ണ ജൂബിലി ആഘോഷങ്ങളുടെ മൂന്നാമത്തെ കേന്ദ്രമാണ് വൈക്കം മഹാദേവ ക്ഷേത്രം.വൈക്കം മഹാദേവ ക്ഷേത്രത്തിലെ അഷ്ടമിയുൽ സവത്തിന് പതിവായി ചെമ്പൈ സ്വാമി സംഗീതാരാധന നടത്തിയിരുന്നു. ഗുരുവായൂർ ക്ഷേത്രത്തിൽ നവംബർ 14 ന് ജൂബിലി ആഘോഷങ്ങൾക്ക് സമാപനമാകും