യു എസ്സിൽ തർക്കത്തെ തുടർന്ന് ഇന്ത്യക്കാരനെ കഴുത്തറുത്ത് കൊലപ്പെടുത്തി

. ഡാലസ്. തർക്കത്തെ തുടർന്ന് ഇന്ത്യക്കാരനായ ഡാലസിലെ മോട്ടലിൽ മാനേജർ ആയിരുന്ന ചന്ദ്ര നഗമല്ലയ്യ (50) യേ കഴുത്തറുത്ത് കൊലപ്പെടുത്തി.സംഭവത്തിൽ മോട്ടലിലെ ജീവനക്കാരനായ യൊർദാനിസ് കോബോസ് മാർട്ടിനെസിനെ പോലീസ് അറസ്റ്റ് ചെയ്തു.മാർട്ടിനെസും മറ്റൊരു ജീവനക്കാരിയും ഹോട്ടലിലെ മുറി വൃത്തിയാക്കുകയായിരുന്നു. അതിനിടയിൽ അവിടേക്ക് വന്ന നാഗമല്ലയ്യ കേടായ വാഷിംഗ് മെഷീൻ ഉപയോഗിക്കരുതെന്ന് മാർട്ടിനെസിനോട് പറയാൻ ജീവനക്കാരിയോട് ആവശ്യപ്പെട്ടു .തന്നോട് നേരിട്ട് പറയാതെ ജീവനക്കാരി വഴി സംസാരിക്കുന്നു എന്ന് ആരോപിച്ചാണ് നാഗമല്ലയ്യയെ ഇയാൾ ആക്രമിച്ചത്.പലതവണ നാഗമല്ലയ്യയെ കുത്തി. പാർക്കിങ്ങിനുള്ള ഭാഗത്തേക്ക് ഓടി രക്ഷപ്പെടാൻ നാഗമല്ലെയ്യ ശ്രമിച്ചെങ്കിലും മാർട്ടിനെസ് പിന്തുടർന്ന് ആക്രമിക്കുകയായിരുന്നു .ഇതിനിടെ നാഗമല്ലയ്യയുടെ ഭാര്യയും മകനും കൊലപാതകിയെ പിന്തിരിപ്പിക്കാൻ ശ്രമിച്ചെങ്കിലും അവരെ തള്ളിയിട്ട ശേഷം. ഇയാൾ നാഗമല്ലയ്യയുടെ കഴുത്തറുത്ത് കൊലപ്പെടുത്തുകയായിരുന്നു. സംഭവത്തിൽ ഇന്ത്യൻ കോൺസുലേറ്റ് അനുശോചനം അറിയിച്ചു