മലപ്പുറം : എൻ.സി.പി.യുടെ ദേശീയ അദ്ധ്യക്ഷനും മഹാരാഷ്ട്ര ഉപ മുഖ്യമന്ത്രിയുമായ ശ്രി. അജിത് ദാദാ പവാറിൻ്റെ ബർത്ത്ഡേ സെലിബ്രഷൻ്റെ ഭാഗമായി “സ്പോർട്സ് ഡേ ” ആചരിക്കുന്നതിനായി നാഷണലിസ്റ്റ് യൂത്ത് കോൺഗ്രസ് സംസ്ഥാന കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന വൺഡേ ഫൈവ്സ് ഫുട്ബോൾ ടൂർണ്ണമെൻ്റ് ഇന്ന് (ജൂലൈ 27 ഞായർ ) വൈകുന്നേരം നാല് മണിക്ക് മലപ്പുറം കക്കാട് ടറഫ് സ്റ്റേഡിയത്തിൽ വച്ച് നടക്കും.എൻ.സി.പി. ദേശീയ അദ്ധ്യക്ഷനും സംസ്ഥാന പ്രസിഡൻ്റുമായ എൻ. എ മുഹമ്മദ് കുട്ടി പരിപാടികൾ ഔപചാരികമായി ഉദ്ഘാടനം ചെയ്യും.എൻ .വൈ.സി. സംസ്ഥാന പ്രസിഡൻ്റ് സി.കെ. ഗഫൂർ അദ്ധ്യക്ഷത വഹിക്കും.നാഷണലിസ്റ്റ് പ്രൊഫഷണൽ കോൺഗ്രസ് സംസ്ഥാന ചെയർമാൻ ടി.സി. അഹ്മ്മദ് വിശിഷ്ടാതിഥിയായി സംബന്ധിക്കും.എൻ.സി.പി. സംസ്ഥാന ജനറൽ സെക്രട്ടറി അഡ്വ: എം.എം ഷാജി ആശംകൾ നേരും.എൻ.സി.പി. ദേശീയ വർക്കിംഗ് കമ്മിറ്റി അംഗവും സംസ്ഥാന വൈസ് പ്രസിഡൻ്റുമായ കെ.എ. ജബ്ബാർ,സംസ്ഥാന ജനറൽ സെക്രട്ടറി അഡ്വ: എം. സൈഫുദ്ധീൻ, എൻ.സി.പി മൈനോറിറ്റി ഡിപ്പാർട്ട്മെൻ്റ് സംസ്ഥാന ചെയർമാൻ നാദിർഷ കടായിക്കൽ ,എൻ. വൈ.സി. ദേശീയ സെക്രട്ടറിമാരായ പി.സി. സനൂപ്, ഷാജിർ ആലത്തിയൂർ , സംസ്ഥാന ഭാരവാഹികളായ അഡ്വ: അഭിലാഷ് അയ്യപ്പൻ, സി.കെ.അഷ്റഫ്, ദേവ പ്രശാന്ത്, ശ്യാം പറമ്പിൽ, യദു കൃഷണൻ പി, സിൽവി മോൾ, പി.പി. നൂറുൽ ഹസ്സൻ ,ഇല്യാസ് കുണ്ടൂർ,നൗഷാദലി കക്കാട്,തുടങ്ങി എൻ.സി.പിയുടെയും എൻ. വൈ സി യുടെയും ദേശീയ, സംസ്ഥാന, ജില്ലാ നേതാക്കൾ സംബന്ധിക്കും. സംസ്ഥാനത്തെ വിവിധ ജില്ലകളിൽ നിന്നുള്ള പത്തിൽ പരം ടീമുകൾ മത്സരത്തിൽ പങ്കെടുക്കും. മത്സരത്തിൽ വിജയികളാകുന്നവർക്ക് ഒന്ന് , രണ്ട് , മൂന്ന് സ്ഥാനക്കാർക്ക് യഥാക്രമം 5001 രൂപ പ്രൈസ് മണിയും ട്രോഫിയും 3001 രൂപയും ട്രോഫിയും 1501 രൂപയും ട്രോഫിയും സമ്മാനിക്കുമെന്ന് ഭാരവാഹികൾ അറിയിച്ചു.
എൻ.വൈ.സി ഫുട്ബോൾ ടൂർണ്ണമെൻ്റ് ഇന്ന്
