വയനാട്: പ്രസവം കഴിഞ്ഞ യുവതിയുടെ ശരീരത്തില് നിന്ന് കോട്ടണ് തുണി പുറത്തുവന്ന സംഭവത്തിൽ അന്വേഷണത്തിന് ഡിഎംഒയുടെ നിര്ദേശം നൽകി. മാനന്തവാടി മെഡിക്കല് കോളേജ് ആശുപത്രിക്കെതിരായ ചികിത്സാ പിഴവ് പരാതിയിലാണ് അന്വേഷണത്തിന് നിര്ദേശം നൽകിയിരിക്കുന്നത്. യുവതി മന്ത്രി ഒ ആര് കേളുവിന് നല്കിയ പരാതിയുടെ അടിസ്ഥാനത്തിലാണ് അന്വേഷണത്തിന് നിര്ദേശിച്ചിരിക്കുന്നത്.ഒക്ടോബര് 20നായിരുന്നു മാനന്തവാടി പാണ്ടക്കടവ് സ്വദേശിനിയായ 21കാരിയുടെ പ്രസവം നടന്നത്. 25ന് യുവതിയെ ഡിസ്ചാര്ജ് ചെയ്തു. ഇതിന് പിന്നാലെ യുവതിക്ക് കടുത്ത വയറുവേദന അനുഭവപ്പെടുകയും മാനന്തവാടി മെഡിക്കല് കോളേജില് എത്തി ഡോക്ടറെ കാണുകയും ചെയ്തു.എന്നാല് വെള്ളം കുടിക്കാത്തതാണ് പ്രശ്നം എന്ന് പറഞ്ഞ് യുവതിയെ ഡോക്ടര് മടക്കി അയച്ചു. ഇതിന് പിന്നാലെ യുവതിക്ക് വീണ്ടും വയറുവേദന അനുഭവപ്പെടുകയും ഡോക്ടറെ കാണുകയും ചെയ്തു. എന്നാല് വിശദമായ പരിശോധന പോലും നടത്താതെ മടക്കി അയച്ചു.ഇതിന് ശേഷവും യുവതിക്ക് വയറുവേദന അനുഭവപ്പെട്ടു. ഇതിനിടെ ഡിസംബര് 29ന് ശരീരത്തില് നിന്ന് കോട്ടണ് തുണി പുറത്തുവരികയും ദുര്ഗന്ധം അനുഭവപ്പെടുകയുമായിരുന്നു.
പ്രസവം കഴിഞ്ഞ യുവതിയുടെ ശരീരത്തില് നിന്ന് കോട്ടണ് തുണി പുറത്തുവന്ന സംഭവത്തിൽ അന്വേഷണത്തിന് ഡിഎംഒയുടെ നിര്ദേശം
