ലക്നൗ: ട്രെയിന് വൈകിയതിനാല് പരീക്ഷ എഴുതാന് കഴിയാതിരുന്ന വിദ്യാര്ഥിനിയ്ക്ക് റെയില്വേ 9.10 ലക്ഷം രൂപ നഷ്ടപരിഹാരം നല്കാന് ഉത്തരവിട്ട് കോടതി. ഉത്തര്പ്രദേശിലെ ബസ്തി സ്വദേശിനിയായ സമൃദ്ധിക്കാണ് ജില്ലാ ഉപഭോക്തൃതര്ക്ക പരിഹാര കമ്മിഷനില് നിന്ന് അനുകൂല ഉത്തരവ് നേടിയത്. 45 ദിവസത്തിനകം റെയില്വേ നഷ്ടപരിഹാരത്തുക നല്കണമെന്നും ഇതില് വീഴ്ചവരുത്തിയാല് 12 ശതമാനം പലിശ കൂടി നല്കണമെന്നുമാണ് ഉത്തരവില് ഉള്ളത്. ഏഴ് വര്ഷം നീണ്ട നിയമ പോരാട്ടത്തിന് ശേഷമാണ് ഉപഭോക്തൃ കമ്മിഷനില് നിന്ന് അനുകൂല വിധിയുണ്ടായതെന്ന് സമൃദ്ധിയുടെ അഭിഭാഷകനായ പ്രഭാകര് മിശ്ര മാധ്യമങ്ങളോട് പറഞ്ഞു. 2018 മെയ് ഏഴിനാണ് ട്രെയിന് വൈകിയതിനാല് സമൃദ്ധിക്ക് ബിഎസ്സി ബയോടെക്നോളജി കോഴ്സിനുള്ള എന്ട്രസ് പരീക്ഷ എഴുതാന് സാധിക്കാതെ പോയത്.
ട്രെയിന് വൈകിയതിനാല് പരീക്ഷ എഴുതാന് കഴിയാതിരുന്ന വിദ്യാര്ഥിനിയ്ക്ക് റെയില്വേ 9.10 ലക്ഷം രൂപ നഷ്ടപരിഹാരം നല്കാന് ഉത്തരവിട്ട് കോടതി
