മലപ്പുറം. രാജസ്ഥാനിലെ ബിക്കാനീർ സ്വദേശിയെ വെർച്ച്വൽ അറസ്റ്റ് ചെയ്തു 60 ലക്ഷത്തോളം രൂപ തട്ടിയെടുത്ത കേസിലെ മുഖ്യപ്രതികളായ മേലാറ്റൂർ എടപ്പറ്റയിലെ ചൂണ്ടക്കലായ് സ്വദേശി ആലഞ്ചേരി വീട്ടിൽ സുനീജ്(38) തൃശ്ശൂർ മാടമ്പി ലൈൻ സ്വദേശി വാലേരിപ്പറമ്പിൽ അശ്വിൻ രാജ് (27)പെരിന്തൽമണ്ണ സ്വദേശി ഷഫീക്ക് (29)എന്നിവരെ അറസ്റ്റ് ചെയ്തു. മേലാറ്റൂർ പോലീസിന്റെ സഹായത്തോടെ രാജസ്ഥാൻ പോലീസ് ആണ് കഴിഞ്ഞ ദിവസം അറസ്റ്റ് ചെയ്തത്. തീവ്രവാദം ബന്ധം ആരോപിച്ചാണ് ഇരയുടെ പക്കൽ നിന്നും ഇവർ പണം തട്ടിയതെന്ന് പോലീസ് പറഞ്ഞു. മേലാറ്റൂർ പോലീസ് പ്രതികളെ പിടികൂടി രാജസ്ഥാൻ പോലീസിന് കൈമാറുകയായിരുന്നു. പെരിന്തൽമണ്ണ കോടതിയിൽ ഹാജരാക്കിയ ശേഷം തുടർ നടപടികളിലേക്ക് രാജസ്ഥാനിലേക്ക് കൊണ്ടുപോയി.
