കൊച്ചി. തായ്ലൻഡിൽ നിന്ന് നിന്ന് നെടുമ്പാശ്ശേരി എയർപോർട്ടിൽ എത്തിച്ച 6.4 കിലോഗ്രാം ഹൈബ്രിഡ് കഞ്ചാവ്മായി വയനാട് സ്വദേശി അബ്ദുൽ സമദിനെ അറസ്റ്റ് ചെയ്തു. തായ്ലൻഡില ബാങ്കോക്കിൽ നിന്ന് ഹൈബ്രിഡ് കഞ്ചാവ് ശേഖരിച്ച് വിയറ്റ്നാം വഴിയാണ് അബ്ദുൽ സമദ് കൊച്ചിയിലെത്തിയത്. ലഗേജ് പരിശോധിച്ച കസ്റ്റംസ് മറ്റു വസ്തുക്കൾക്കിടയിൽ ഒളിപ്പിച്ച നിലയിൽ കഞ്ചാവ് കണ്ടെത്തുകയായിരുന്നു. സമദിനെ ഇന്ന് അങ്കമാലി മജിസ്ട്രേറ്റ് കോടതിയിൽ ഹാജരാക്കും. ഇയാളെ ചോദ്യം ചെയ്തു വരുന്നു.
