അർജൻറീനയെ കൊണ്ടുവന്നു മത്സരം നടത്താൻ കഴിഞ്ഞില്ലെങ്കിൽ മെസ്സിയെ തനിച്ചു കൊണ്ടുവരുന്ന കാര്യം പരിഗണിക്കുമെന്ന് സ്പോൺസർ ആൻ്റോ അഗസ്റ്റിൻ. കലൂർ ജവഹർലാൽ നെഹ്റു രാജ്യാന്തര സ്റ്റേഡിയം അറ്റകുറ്റപ്പണികൾ പൂർത്തിയാക്കി ജിസിഡിഎയ്ക്ക് തിരിച്ചു നൽകുമെന്ന് അദ്ദേഹം പറഞ്ഞു. സ്റ്റേഡിയത്തിന്റെ പുനർനിർമാണമായി ബന്ധപ്പെട്ട നിലവിൽ ഉയർന്നിരിക്കുന്ന ആരോപണങ്ങളിൽ കഴമ്പില്ല. സ്റ്റേഡിയത്തിന്റെ അവകാശം വേണമെന്ന് ആരോടും പറഞ്ഞിട്ടില്ല. സ്പോർട്സ് ഫൗണ്ടേഷനുമായിയാണ് കരാറുള്ളത്. നവംബർ 30ന് മുമ്പ് സ്റ്റേഡിയം തിരികെ ഏൽപ്പിക്കും എന്നാണ് കരാർ. കൊച്ചി സ്റ്റേഡിയത്തിന് ഫിഫ അനുമതി ഇല്ലെന്ന് കാര്യം എനിക്കോ സർക്കാറിനോ അറിയില്ലായിരുന്നു .ഫിഫ യുമായി ബന്ധപ്പെട്ട കാര്യങ്ങൾക്കിടയാണ് ഇക്കാര്യം മനസ്സിലായത്. തുടർന്നാണ് സ്റ്റേഡിയം ഫിഫ അപ്രൂവൽ കിട്ടുന്ന തരത്തിൽ നടപ്പിലാക്കാമോ എന്ന് ചോദിച്ചത് കൊണ്ടാണ് ഏറ്റെടുത്തത്. ഇതിൽ മറ്റൊരു അജണ്ടയും ഇല്ല നഷ്ടം വന്നാൽ സഹിച്ചോളാം ആരുടെയും പണം വാങ്ങിയിട്ടില്ല ചെയ്യുന്ന ജോലികളിൽ അപാകതയുണ്ടെങ്കിൽ ചൂണ്ടിക്കാണിക്കാം. മാർച്ചിൽ മത്സരം നടക്കും എന്നാണ് കരുതുന്നത്.. അദ്ദേഹം വാർത്താ സമ്മേളനത്തിൽ പറഞ്ഞു.
