ജില്ലാ പഞ്ചായത്ത് വൈസ് പ്രസിഡൻ്റ്
മുൻ ബ്ലോക്ക് പഞ്ചായത്ത് പ്രസിഡൻ്റ് പഞ്ചായത്ത് വൈസ് പ്രസിഡൻ്റ് എന്നിവർക്ക് സീറ്റില്ല
പീരുമേട്: സി പി ഐയിലെ പടല പിണക്കവും ഗ്രൂപ്പിസവും മൂലം പ്രമുഖർ പലരും തെരഞ്ഞെടുപ്പിൽ നിന്ന് പുറത്തായി.
ജില്ലാ പഞ്ചായത്ത് വൈസ് പ്രസിഡൻ്റ് ആശ ആൻ്റണിക്ക് സമവായ നിർദേശത്തെ തുടർന്ന് മാറി നിൽക്കേണ്ടിവന്നു. മുൻ എം.എൽ. എ ബിജിമോളുടെ സഹോദരിയെ മൽസരിപ്പിക്കാൻ നടത്തിയ നീക്കം പാളിയപ്പോൾ പരിഹാരമായി കൊക്കയാർ പഞ്ചായത്ത് പ്രസിഡൻ്റ് മോളിഡോമിനിക്കിന് നറുക്ക് വീണു.
കൂടാതെ
മുൻ അഴുത ബ്ലോക്ക് പഞ്ചായത്ത് പ്രസിഡൻ്റ് എം.മാലതി, പഞ്ചായത്ത് വൈസ് പ്രസിഡൻ്റ് ലക്ഷമി ഹെലൻ എന്നിവർക്ക് സി പി ഐ സീറ്റ് നിഷേധിച്ചു. ബ്ലോക്ക് പ്രസിഡൻ്റ് ആയിരുന്ന തേങ്ങാക്കൽ ഡിവിഷനംഗം മാലതിയുടെ പ്രവർത്തനത്തിൽ എൽ.ഡി.എഫിൽ അഭിപ്രായവ്യത്യാസമുണ്ടായിരുന്നു. സി പി എമ്മിൻ്റെ കടുത്ത എതിർപ്പിനെ തുടർന്നാണ് ഇവർക്ക് സീറ്റ് നിഷേധിച്ചതെന്നാണ് പുറത്തുവരുന്ന വിവരം. തേങ്ങാക്കല്ലിൽ വണ്ടി പെരിയാർ പഞ്ചായത്ത് വൈസ് പ്രസിഡൻ്റ് ശ്രീരാമൻ മത്സരിക്കും.
പീരുമേട് പഞ്ചായത്തിലെ ഒന്നാം വാർഡായ വുഡ് ലാൻ്റ്സിൽ തിരഞ്ഞെടുപ്പ് പ്രഖ്യാപത്തിന് മുമ്പ് സി പി ഐയിൽ അംഗത്ത്വം നൽകി വേദരാജ് ജോർജിനെ സ്ഥാനാർത്ഥിയാക്കുകയായിരുന്നു.
ജില്ലാ പഞ്ചായത്തംഗം എസ്.പി രാജേന്ദ്രനും, ബ്ലോക്ക് പഞ്ചായത്തംഗം സജിനി ജയകുമാറും വാർഡുകളിൽ ഇക്കുറി ജനവിധി തേടും.
അഴുത ബ്ലോക്കിലെ കൊക്കയാർ ഡിവിഷനിൽ പുതുമുഖം ടെസി ജോസഫിനെ മത്സരിപ്പിക്കുന്നതിൽ പ്രതിഷേധിച്ച് അസി. സെക്രട്ടറി അൻഷാദ് രാജിക്കൊരുങ്ങുന്നു. സി.പി ഐ ക്ക് നൽകിയ അഞ്ച് ജനറൽ സീറ്റിലും വനിതകളെ മത്സരിപ്പിക്കുന്നതിൽ പ്രതിഷേധിച്ച് വൻ പെട്ടിതെറിയാണ് ഒരോ പഞ്ചായത്തിലും സി പി ഐ നേരിടുന്നത്.
കൂടാതെ
കുമളി, പീരുമേട്, കൊക്കയാർ മണ്ഡലം കമ്മറ്റികളിലെ പ്രമുഖ നേതാക്കളിൽ പലരും വരും ദിവസങ്ങളിൽ സ്ഥാനമാനങ്ങൾ രാജിവയ്ക്കുമെന്നാണ് പുറത്തുവരുന്ന വിവരം.
