സംസ്ഥാനത്ത് തീവ്ര വോട്ടര് പട്ടിക പരിഷ്കരണവുമായി ബന്ധപ്പെട്ട് ഡിജിറ്റൈസ് ചെയ്ത ഫോമുകളുടെ എണ്ണം 50 ലക്ഷം കടന്നു (51,38,838). വിതരണം ചെയ്ത ഫോമുകളുടെ 18.45 ശതമാനമാണിത്. കളക്ഷന് ഹബ്ബുകളുടെ പ്രവര്ത്തനം നാളെയും തുടരുമെന്ന് തിരഞ്ഞെടുപ്പ് കമ്മീഷന് പറഞ്ഞു.മുന് ദിവസങ്ങളെ അപേക്ഷിച്ച് ഇന്ന് നല്ല പുരോഗതി ദൃശ്യമാണെന്ന് മുഖ്യ തിരഞ്ഞെടുപ്പ് ഓഫീസര് ഡോ. രത്തന് യു കേല്ക്കര് വ്യക്തമാക്കി. നഗരത്തിലെ ചില കളക്ഷന് ഹബ്ബുകള് താന് സന്ദര്ശിച്ചതായും ബി എല് ഒ മാര് വളരെ ഉത്സാഹഭരിതരായാണ് തങ്ങളുടെ കര്ത്തവ്യം നിറവേറ്റുന്നതെന്നും അദ്ദേഹം പറഞ്ഞു. ഞായറാഴ്ചയും ജോലിയില് വ്യാപൃതരായ ബിഎല്ഒമാരെയും അവരുടെ കുടുംബാംഗങ്ങളേയും മുഖ്യ തിരഞ്ഞെടുപ്പ് ഓഫീസര് അഭിനന്ദനങ്ങൾ അറിയിച്ചു.
തീവ്ര വോട്ടര് പട്ടിക പരിഷ്കരണം തുടരുന്നു
