തിരുവനന്തപുരം: അതിദരിദ്രര്ക്ക് ആരോഗ്യവകുപ്പിന്റെ വാതില്പ്പടി സേവനങ്ങള് ഉറപ്പാക്കും എന്ന് ആരോഗ്യ വകുപ്പ് മന്ത്രി വീണാ ജോര്ജ്. അതിദരിദ്രരില്ലാത്ത കേരളം എന്ന സര്ക്കാരിന്റെ പദ്ധതിയുടെ ഭാഗമായി ആരോഗ്യ വകുപ്പ് നടപ്പിലാക്കി വരുന്ന പ്രവര്ത്തനങ്ങളുടെ തുടര്ച്ച ഉറപ്പ് വരുത്തുന്നതിനായി കര്മ്മപദ്ധതി ആവിഷ്ക്കരിക്കുകയും മാര്ഗനിര്ദേശങ്ങള് പുറപ്പെടുവിക്കുകയും ചെയ്തു.ബ്രെയിന്സ്റ്റോമിംഗ് സെഷന് സംഘടിപ്പിച്ചാണ് അതിദരിദ്രരായ കുടുംബങ്ങള്ക്ക് ആരോഗ്യ സംരക്ഷണം ശക്തിപ്പെടുത്തുന്നതിനായി കര്മ്മ പദ്ധതി തയ്യാറാക്കിയത്. രക്ത പരിശോധനയും വൈദ്യ സഹായവുമായാണ് ആരോഗ്യ പ്രവര്ത്തകര് അതിദരിദ്രരുടെ വീടുകളിലെത്തുന്നത്. സെപ്റ്റംബര് 28 മുതല് ഒക്ടോബര് 28 വരെയാണ് ആരോഗ്യപ്രവര്ത്തകര് അതിദരിദ്രരുടെ വീടുകളിലെത്തി ആരോഗ്യ പരിശോധന നടത്തുക. സേവന പ്രോട്ടോക്കോളുകള് കര്ശനമായി പാലിക്കാന് നിര്ദേശം നല്കിയിട്ടുണ്ട് എന്നും മന്ത്രി പറഞ്ഞു.
അതിദരിദ്രര്ക്ക് വാതില്പ്പടി സേവനങ്ങളുമായി ആരോഗ്യ വകുപ്പ്
