കൽക്കി ടൂവിൽ നിന്നും ദീപിക പദുക്കോണിനെ നിർമ്മാതാക്കൾ പുറത്താക്കി.

പ്രഭാസ് നായകനായ നാഗ അശ്വിൻ സംവിധാനം ചെയ്ത കൽക്കി -2898 AD ചിത്രത്തിൽ നിന്ന് ദീപിക പദുക്കോൺനെ പുറത്താക്കി. ചിത്രത്തിലെ രണ്ടാം പാർട്ടിൽ നിന്നാണ് ദീപികയെ പുറത്താക്കിയത്. ആദ്യഭാഗത്തിൽ നായികയായിരുന്നു ദീപിക. ചിത്രത്തിൻറെ വിജയത്തിന് പിന്നാലെ ഇതിന്റെ രണ്ടാം ഭാഗവും നിർമ്മാതാക്കൾ പ്രഖ്യാപിച്ചിരുന്നു. “നീണ്ട ചർച്ചകൾക്കൊടുവിൽ തങ്ങൾ വഴിപിരിയുകയാണെന്നും തീരുമാനിച്ചു എന്നും വരാനിരിക്കുന്ന ഭാഗത്ത് ദീപിക പദുക്കോൺ ഉണ്ടായിരിക്കില്ലെന്നും ചിത്രത്തിൻറെ നിർമ്മാതാക്കളായ വൈജയന്തി മൂവീസ് അറിയിച്ചു. ആദ്യ സിനിമ നിർമ്മിക്കുന്നതിന് ഇടയിലുള്ള നീണ്ട യാത്രയിൽ ഒരുമിച്ച് ഉണ്ടായിരുന്നെങ്കിലും തങ്ങളുടെ പങ്കാളിത്തം പഴയതുപോലെ തുടരാൻ കഴിഞ്ഞില്ലെന്നും” ബൈ ജയന്തി മൂവിസ് അറിയിച്ചു.