വെള്ളിയാമറ്റത്തെ കുട്ടി കര്‍ഷകന് നല്‍കിയ വാക്ക് പാലിച്ച് സര്‍ക്കാര്‍. അഞ്ച് പശുക്കളെ കൂടി കൈമാറി. ഉയര്‍ന്ന ഉല്‍പ്പാദനശേഷിയുള്ള എച്ച്എഫ് വിഭാഗത്തില്‍പ്പെട്ട പശുക്കളെയാണ് നല്‍കിയത്. പശുക്കള്‍ക്ക് ഇന്‍ഷൂറന്‍സ് പരിരക്ഷ ഉറപ്പാക്കിയിട്ടുണ്ട്. മന്ത്രി ചിഞ്ചുറാണി നേരിട്ട് എത്തിയാണ് പശുക്കളെ സഹോദരങ്ങള്‍ക്ക് കൈമാറിയത്.
ഇതിന് പുറമേ മില്‍മ വാഗ്ദാനം ചെയ്ത 45,000 രൂപയും കേരള ഫീഡ്‌സിന്റെ ഒരു മാസത്തെ കാലിത്തീറ്റയും കൈമാറി. കപ്പ തൊണ്ട് കഴിച്ചതിനെ തുടര്‍ന്നായിരുന്നു കുട്ടികര്‍ഷകരുടെ 13 പശുക്കള്‍ ചത്തത്. മികച്ച കുട്ടി ക്ഷീരകര്‍ഷകനുള്ള സംസ്ഥാന അവാര്‍ഡ് ലഭിച്ച കുട്ടിയാണ് മാത്യു.
