കെജിഎഫ് ഫ്രാഞ്ചൈസിക്കു ശേഷം പ്രശാന്ത് നീല് സംവിധാനം ചെയ്യുന്ന ചിത്രമാണ് സലാർ. പ്രഭാസ് ആണ് നായകൻ. പൃഥ്വിരാജ് പ്രതിനായകനായി എത്തുന്നുവെന്നത് മലയാളികളെ സംബന്ധിച്ച് ആവേശം പകരുന്നു.
1.46 മിനിറ്റ് ദൈര്ഘ്യമുള്ള ടീസര് റിലീസ് ചെയ്യപ്പെട്ടത് വ്യാഴാഴ്ച പുലര്ച്ചെ 5.12 ന് ആയിരുന്നു. രണ്ട് ദിവസം പിന്നിട്ടപ്പോള് ചിത്രത്തിന്റെ ടീസര് നേടിയിരിക്കുന്നത് 10 കോടിയിലേറെ കാഴ്ചകളാണ്.
പ്രഭാസിനൊപ്പം പ്രാധാന്യത്തോടെയാണ് പൃഥ്വിരാജിന്റെ കഥാപാത്രത്തെയും ടീസറില് അവതരിപ്പിച്ചിരിക്കുന്നത്. ഇന്ത്യയില് തന്നെ ഏറ്റവും വേഗത്തില് 100 ദശലക്ഷം കാഴ്ച എന്ന റെക്കോഡ് ഇടുന്ന വീഡിയോയാണ് സലാറിന്റെ ടീസര്.
ഇന്ത്യന് ഭാഷാ പതിപ്പുകള്ക്കൊപ്പം സലാറിന്റെ ഇംഗ്ലീഷ് മൊഴിമാറ്റ പതിപ്പും അണിയറയില് തയ്യാറാവുകയാണെന്ന് തെലുങ്ക് മാധ്യമങ്ങള് റിപ്പോര്ട്ട് ചെയ്തിരുന്നു. ആക്ഷന് ത്രില്ലര് വിഭാഗത്തില് പെടുന്ന ചിത്രമാണിത്. വരദരാജ മന്നാര് എന്നാണ് പൃഥ്വിയുടെ കഥാപാത്രത്തിന്റെ പേര്.