ജാര്‍ഖണ്ഡില്‍ ഹേമന്ത് സോറന്‍റെ സര്‍ക്കാര്‍ ഇന്ന് വിശ്വാസവോട്ട് തേടും

ജാര്‍ഖണ്ഡില്‍ മുഖ്യമന്ത്രി ഹേമന്ത് സോറന്‍റെ നേതൃത്വത്തിലുള്ള സഖ്യ സര്‍ക്കാര്‍ ഇന്ന് നിയമസഭയില്‍ വിശ്വാസവോട്ട് തേടും. സഖ്യസര്‍ക്കാരിന് നിലവില്‍ 45 എംഎല്‍എമാരുടെ പിന്തുണയുണ്ട്. ജെഎംഎം–27, കോണ്‍ഗ്രസ്–17, ആര്‍ജെഡി–1 എന്നിങ്ങനെയാണ് നിലവിലെ മഹാസഖ്യത്തിന്‍റെ അംഗനില. ബിജെപി നേതൃത്വം നല്‍കുന്ന പ്രതിപക്ഷ സഖ്യത്തിന് 30 എംഎല്‍എമാരുണ്ട്. 38 അംഗങ്ങളുണ്ടേല്‍ സര്‍ക്കാരിന് വിശ്വാസവോട്ട് നേടാം. മന്ത്രിസഭാ വികസനവും ഇന്നുണ്ടാകും. കള്ളപ്പണക്കേസില്‍ ജാമ്യം ലഭിച്ചതോടെ ജൂലൈ നാലിനാണ് ഹേമന്ത് സോറന്‍ വീണ്ടും മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റത്