സാധാരണക്കാര്ക്ക് കേന്ദ്രത്തിന്റെ ഇരുട്ടടി, പാചകവാതക സിലിണ്ടര് വില വര്ധിപ്പിച്ചു. വാണിജ്യ സിലിണ്ടര് വില 39 രൂപ കൂട്ടി. വില കൂട്ടിയതോടെ, 19 കിലോഗ്രാം വാണിജ്യ സിലിണ്ടറിന്റെ വില ദില്ലിയില് 1691.50 രൂപയായി വര്ധിച്ചു.
പുതിയ വില ഇന്നുമുതല് പ്രാബല്യത്തിലായി. കഴിഞ്ഞ ജൂലൈ 1 ന് എണ്ണക്കമ്പനികള് വാണിജ്യ സിലിണ്ടര് വില 30 രൂപ കുറച്ചിരുന്നു. വിലയില് മാറ്റമില്ലാത്ത 14 കിലോ ഗാര്ഹിക പാചകവാതകത്തിന് ദില്ലിയില് 803 രൂപയാണ്. കൊല്ക്കത്തയില് 829 രൂപയും മുംബൈയില് 802.5 രൂപയും, ചെന്നൈയില് 918.5 രൂപയുമാണ് നിലവിലെ വില.
