തിരുവനന്തപുരം: സിനിമ നയം കരട് രൂപീകരണ സമിതിയില് നിന്നും നടനും എംഎല്എയുമായ മുകേഷിനെ ഒഴിവാക്കി. സിപിഐഎമ്മിന്റെ നിര്ദേശപ്രകാരമാണ് പീഡനകേസില് പ്രതിയായ മുകേഷിനെ മാറ്റിയത്. സിനിമ നയ രൂപീകരണ സമിതിയില് നിന്നും മുകേഷിനെ ഒഴിവാക്കണം എന്നാവശ്യം ശക്തമായിരുന്നു.
ചലച്ചിത്ര വികസന കോര്പ്പറേഷന് ചെയര്മാന് ഷാജി എന് കരുണ്, സാംസ്കാരിക വകുപ്പ് സെക്രട്ടറി മിനി ആന്റണി, മഞ്ജു വാര്യര്, ബി ഉണ്ണികൃഷ്ണന്, പത്മപ്രിയ, രാജീവ് രവി, നിഖില വിമല്, സന്തോഷ് കുരുവിള, സംസ്ഥാന ചലച്ചിത്ര അക്കാദമി സെക്രട്ടറി സി അജോയ് എന്നിവരാണ് സമിതിയിലെ മറ്റ് അംഗങ്ങള്.
