കോട്ടയം: വാകത്താനം പാണ്ടഞ്ചിറയിൽ കാറിനു തീപിടിച്ചു. തീപിടുത്തത്തിൽ ഉടമയ്ക്കു ഗുരുതരമായി പൊള്ളലേറ്റു. വാകത്താനം പാണ്ടഞ്ചിറ ഓട്ടുകാട്ടു സാബു (57)വിനാണു ഗുരുതരമായി പരിക്കേറ്റത്. തീപിടുത്തത്തിൽ കാർ പൂർണമായും കത്തിനശിച്ചു.
ഓട്ടം കഴിഞ്ഞ് വീട്ടിലേക്ക് മടങ്ങുന്നതിനിടെയാണ് അപകടം. വീടിന് 20 മീറ്റർ അകലെ വെച്ചാണ് സംഭവം. ചങ്ങനാശേരിയിൽ നിന്ന് അഗ്നിരക്ഷാ സേന എത്തി തീയണച്ചാണു ഉടമയെ പുറത്തെടുത്തത്.
